Su-35 dëbon avionin spiun amerikan në Mesdhe

Avioni i zbulimit ushtarak amerikan Boeing P-8A Poseidon u përpoq të piratonte nga distanca sistemet ruse të mbrojtjes anti-ajrore S-400 të vendosura në bazën ajrore Hmeimim në Siri, por dështoi.

Një avion luftarak rus e interceptoi atë mbi Detin Mesdhe në 15 Prill. Sipas faqes ruse të lajmeve Avia.pro, ushtria amerikane shprehu keqardhjen që i zgjodhi frekuencat keq, sepse sistemet ruse të mbrojtjes kundërajrore u vunë në gatishmëri luftimi, me qëllim për të hapur zjarr, kur një avion luftarak rus u ngrit për të dëbuar Boeing P-8A. Informacioni mbi këtë temë u njoftua pasi një aeroplan luftarak rus u ngrit nga baza ajrore Hmeimim në një rast emergjence, ndërsa avioni zbulues amerikan ishte disa dhjetëra kilometra larg. Për më tepër, qarkullojnë informacione se Shtetet e Bashkuara kanë qenë në gjendje të "mbledhin frekuencat e funksionimit të sistemeve mbrojtëse ruse S-400, të cilat aktualisht janë duke u deshifruar". Forcat detare amerikane, ndërkohë, pohuan se një aeroplan amerikan P-8A Poseidon po fluturonte në hapësirën ajrore ndërkombëtare kur një Su-35 rus e interceptoi atë. "Më 15 Prill 2020, një aeroplan amerikan P-8A Poseidon që fluturonte në hapësirën ajrore ndërkombëtare mbi Detin Mesdhe u përgjua nga një Su-35 rus. Ekuipazhi i P-8A raportoi turbulenca të forta pas kësaj ndërhyrje. Kohëzgjatja e përgjimit ishte afërsisht 42 minuta, "thanë forcat detare amerikane. Sipas ekspertëve rusë, "është plotësisht e mundur që pasi u përpoq të hakonte në mënyrë specifike sistemet ruse të mbrojtjes kundërajrore, aeroplani amerikan u bë një shënjestër për sistemin S-400.