Улянов: Музокироти Эрону Амрико шитоби хубе гирифтааст

Порс-Тудей. Намояндаи доими Русия дар созмонҳои байналмилалии мустақар дар Вена бо ишора ба тасмими Эрону Амрико барои оғози гуфтугӯҳои коршиносӣ эълом кард, ки раванди музокирот миёни ду кишвар аз назари ӯ шитоби хубе гирифтааст.

Михаил Улянов бо интишори паёме дар канали Телеграми худ навишт: Қонеъкунандатарин нишонаи пешрафти музокироти Эрону Амрико, тасмими муштараки тарафайн барои оғози машваратҳои коршиносӣ дар бораи масоили фаннӣ дар рӯзи чаҳоршанбеи оянда бошад.

Ба гуфтаи Аббоси Ироқчӣ, вазири умури хориҷаи Эрон, маъмурияти коршиносон тадвини чорчӯби тавофуқи оянда хоҳад буд. /Ирна