Афзоиши ҳушдорҳо дар бораи буҳрони инсонӣ дар Афғонистон
Порс Тудей - Дар шароите, ки гуруснагӣ ва беморӣ ба таҳдиде ҷиддӣ барои миллионҳо шаҳрванди афғон табдил шуда, Сандуқи ҳимоят аз кӯдакони Созмони милал ва Барномаи ҷаҳонии ғизо ҳушдор додаанд, ки идома буҳрон метавонад ба фоҷеъаи инсонии густардатаре мунҷар шавад.
Барномаи Ҷаҳонии Ғизо (WFP) ва Сандуқи ҳимоят аз кӯдакони Созмони милал (ЮНИСЕФ) дар ду гузориши ҷудогона нисбат ба ташдиди буҳрони инсонӣ дар Афғонистон ҳушдор додаанд; буҳроне, ки ҷони миллионҳо шаҳрванд, бавижа занону кӯдаконро таҳдид мекунад. Бар асоси гузориши Барномаи ҷаҳонии ғизо, вазъияти гуруснагӣ дар Афғонистон вахимтар аз гузашта шуда ва дастикам 10 миллион нафар барои зинда мондан ба кумакҳои ғизоии фаврӣ ниёз доранд. Ин ниҳоди вобаста ба Созмони милал эълом карда, барои идомаи барномаҳои имдодрасонии худ дар шаш моҳи оянда, ба беш аз 539 миллион доллар буҷа ниёз дорад. Дар ин миён, занони сарпарасти хонавор, кӯдакону бозгаштагон аз кишварҳои ҳамсоя аз осебпазиртарин гуруҳҳо ҳастанд.
