Гурӯҳи террористии «Боко Ҳаром» 70 нафарро дар Нигерия ба қатл расонд

Порс Тудей - Ҳудуди 70 нафар дар ҳамлаи гурӯҳи террористии «Боко Ҳарам» ба сокинони як русто дар иёлати «Борно» дар шимоли шарқи Нигерия кушта шуданд.

Шабакаи Ал-Маёдин ба нақл аз Ройтерс афзуд: ҳудуди 70 нафар, аз ҷумла ҳафт сарбоз, дар ҳамлаи шабонаи гурӯҳи террористии Боко Ҳаром ба рустои «Дорулҷамол» дар минтақаи ҳукумати маҳаллии «Бама» дар шимоли шарқи Нигерия кушта шуданд.

Ҳамла ба Дорулҷамол, дар наздикии бонке дар минтақаи ҳукумати маҳаллии Бама, ҳудуди соати 8:30-и шаби ҷумъа рух дод, замоне, ки афроди мусаллаҳ ба русто ҳамла ва беҳадаф тирандозӣ карданд ва хонаҳоро ба оташ кашиданд.

Яке аз сокиноне, ки ба ҳамроҳи сарбозон ба шаҳри Бама дар масофаи ҳудуди 46 километр фирор карда буд, ба Ройтерс гуфт, ки моҳи гузашта пас аз солҳо оворагӣ дар Дорулҷамол маскун шуданд. /ИРНА