Иттиҳоди Аврупо таҳримҳои Русияро тамдид кард
-
Тамдиди таҳримҳои Иттиҳоди Аврупо зидди Русия
Порс Тудей - Шӯрои Иттиҳоди Аврупо таҳримҳо зидди Русияро барои шаш моҳи дигар тамдид кард.
Шӯрои Иттиҳоди Аврупо дар баёнияе эълом кард, ки ин иттиҳодия иқдомоти маҳдудкунанда зидди Русияро барои шаш моҳи дигар, яъне то 15-уми марти соли 2026 тамдид кардааст.
Таҳримҳо зидди Русия шомили беш аз 2500 фард ва ниҳод хоҳад буд.
Дар ҳамин ҳол, Иттиҳоди Аврупо эълом кард, ки таҳримҳои марбут ба Русияро зидди як фард, ки номаш мушаххас нашуд, лағв кардааст.
Блумберг иддао кард, Маскав таҳти таҳримҳои фалаҷкунанда аз сӯи Амрико ва Аврупо қарор дорад, аммо тавонистааст бо таъмини колоҳои таҳти таҳрим аз Чин ва кишварҳои сеюм ва ёфтани муштариён барои нафту гази худ дар кишварҳое монанди Ҳинд ва ғайра, таҳримҳоро давр бизанад.
Блумберг пештар гузориш дода буд, ки ба ғайр аз вазъи боҷҳои бештар бар харидорони нафти Русия, Амрико таҳрими флоти махфии танкерҳои нафтии Маскав ва ширкатҳои энергияии "Роснефт" ва "Лукойл"-ро баррасӣ мекунад. / ИРНА