Эрон иқдоми Амрико дар бастани ҳарими ҳавоии Венесуэларо маҳкум кард

Порс Тудей – Сухангуи вазорати умури хориҷаи Эрон иқдоми Амрико дар бастани ҳарими ҳавоии Венесуэларо нақзи қавонини байналмилалӣ ва таҳдиде барои амнияти ҳавонавардии ҷаҳонӣ хонд.

Исмоили Бақоӣ, сухангуи вазорати умури хориҷаи Эрон бо маҳкум кардани иқдоми Амрико барои бастани ҳарими ҳавоии Венесуэла, ин иқдомро таҳдиде барои эминии ҳавонавардӣ ва идомаи сиёсатҳои таҳрикомези Вашингтон зидди ҳокимияти Венесуэла донист.

Ба гузориши Порс Тудей, Доналд Трамп, раисиҷумҳури Амрико рӯзи шанбе дар паёме эълом кард, ки тамоми ҳарими ҳавоии Венесуэла ва атрофи он бояд баста талаққӣ шавад.

Осмони Венесуэла сооте баъд аз таҳдиди Доналд Трамп дар бораи баста шудани осмони ин кишвари нафтхез, холӣ шудааст.

Вашингтон аз моҳи  август ба баҳонаи мубориза бо қочоқи маводи мухаддир, киштиҳои ҷангӣ, зердарёӣ, ҳавопаймоҳои низомӣ ва неруҳои низомиро дар савоҳили Венесуэла мустақар кардааст. Тибқи гузоришҳо, ҳудӯди як сеюми новгони дарёии Амрико дар ин минтақа мустақар шудааст. /ИРНА