Испания ва кишварҳои Лотин ҳамлаи Амрико ба Венесуэларо маҳкум карданд

Порс-Тудей. Испания ва панҷ кишвари Лотин дар баёнияе муштарак, ҳамлаи низомии Амрико ба Венесуэла ва талоши Вашингтон барои контроли манобеи табиии ин кишварро маҳкум карданд.

Бразилия, Чили, Колумбия, Мексика, Уругвай ва Испания эълом карданд, ки иқдоми Амрико бо усули асосии ҳуқуқи байналмилал, аз ҷумла эҳтиром ба ҳокимияту тамомияти арзии кишварҳо муғойират дорад. Ин кишварҳо хостори ҳалли буҳрони Венесуэла бидуни мудохилаи хориҷӣ шуданд ва нисбат ба ҳар гуна талош барои «контроли хориҷӣ»-и давлати ин кишвар иброз нигаронӣ карданд.

Дар баёния таъкид шудааст, ки танҳо як фароянди сиёсии фарогир ба раҳбарии мардуми Венесуэла метавонад ба роҳи ҳалле демократӣ ва пойдор мунҷар шавад. Ҳамчунин аз дабири кулли Созмони Милал ва аъзои ин созмон хоста шуд, барои коҳиши танишҳову ҳифзи сулҳи минтақаӣ иқдом кунанд.