Ихроҷи чаҳор дипломати Ҷумҳурии Озарбойҷон аз Эрон

4 дипломати Вазорати хориҷаи Ҷумҳурии Озарбойҷон дар Теҳрону Табриз ба унвони унсури номатлуб шинохта ва ихроҷ шуданд .

Ба гуфтаи Вазорати умӯри хориҷаи Эрон, ин иқдоми Эрон дар посух ба Боку дар ихроҷи дипломатҳои Эрон анҷом гирифтааст.
Миёнаҳои марти гузашта Боку 4 дипломати эрониро унсури номатлуб муаррифӣ карда буд.
Дар ҳамин ҳол вазири хориҷаи Ҷумҳурии Озарбойҷон дар изҳороте унвон кард, ки ахбори мунташиршуда мабнӣ бар ихроҷи дипломатҳои ин кишвар аз Эрон ҷадид нест .
Чаҳор корманди сафорати Эрон дар Озарбойҷон дар таърихи чаҳоруми апрел тавассути давлати Озарбойҷон ба далели ончӣ ки " фаъолиятҳои ғайридипломатӣ муғойир бо Конвенсияи Вена дар хусӯси равобити дипломатӣ " хонда шуд, ба унвони " унсури номатлуб " шинохта шуданд.
Эрон низ чанд рӯз пас аз он дар посух ба иқдоми Озарбойҷон 2 корманди сафорати Озарбойҷон дар Эрон ва ҳамчунин 2 корманди сарконсулгарии ин кишварро " унсури номатлуб " эълом кард.