Бозтоби иқтидори мушакии Эрон дар расонаи амрикоӣ

Вебгоҳи амрикоии «Missile Threat» дар гузорише дар пайи рӯнамоии муқтадиронаи Эрон аз мушаки ҳойперсоники «Фаттоҳ», иқдом ба қиёси қудрати мушакии Эрон ва режими саҳюнистӣ кардааст.

Вебгоҳи амрикоии «Missile Threat» (таҳдиди мушакӣ) дар гузорише дар иртибот бо озмоиши мушаки ҳойперсоники «Фаттоҳ» навишт: Эрон мушаке ҷадидро озмоиш кард, ки қодир аст бо суръати фавқулода болое ба сӯи аҳдоф ҳаракат кунад, ба сурате ки сомонаҳои дифои мушакии классик тавоноии раҳгирии онро надоранд.

Дар ин гузориш омадааст, ки мушаки «Фаттоҳ» қодир аст 14 баробари суръати савт, яъне бо суръати 1235 километр дар соат ба сӯи аҳдофаш партоб шавад.

Ин вебгоҳи амрикоӣ дар идома ба тавонмандии мушакии Эрон бар асоси гузоришҳое ки то соли 2021 дар дастрас қарор гирифтааст, ишора кардаву мушакҳое назири «Имод», «Қодири 1», «Фотеҳи 110», «Фотеҳи 313», «Хуррамшаҳр», «Қиёми 1», «Раъд», «Сафир», «Сиҷҷил», «Шаҳоби 1,2 ва 3», Симурғ,  «Сумор», «Тундар» ва «Зулфиқор»-ро бар мабнои бурди муфиду навъи онҳо ташреҳ кардааст.

Ҷумҳурии исломии Эрон бо рӯнамоӣ аз мушаки ҳойперсоники «Фаттоҳ» ҷузви чаҳор кишвари дорои ин фанноварӣ шуд.