Қадрдонии хатиби намози ҷумъаи Теҳрон аз мардум ва давлати Ироқ
-
Ҳузури беш аз 4 миллион эронӣ дар Арбаин
Хатиби намози ҷумъаи Теҳрон аз мардум ва давлати Ироқ ба далели мизбонӣ аз миллионҳо зоири Арбаини ҳусайнӣ қадрдонӣ кард.
Рӯзи чаҳоршанбеи 6 сентябр, баробар бо 20 сафари соли 1445 ҳиҷрии қамарӣ Арбаини шаҳодати ҳазрати имом Ҳусайн (а) ва ёрони бовафои эшон дар саҳрои Карбало буд.
Сарпарасти Остони муқаддаси ҳазрати Аббос (а) дар иттилоияе эълом кард, дар Арбаини ҳусайнӣ (а) -и имсол 22 миллиону 19 ҳазору 146 нафар ширкат карданд.
Ҳуҷҷатулислом Сайидмуҳаммадҳасани Абутуробифард, хатиби намози ҷумъа Теҳрон гуфт, ҳузури беш аз 4 миллион эронӣ дар Арбаин - ин ҳаракати азими сиёсӣ, фарҳангӣ, иҷтимоӣ ва динӣ офаринандаи ҳамосае бузург буд ва нақши давлату миллати Ироқ дар халқи ин рӯйдоди истисноӣ бар касе пӯшида нест.
Ҳуҷҷатулислом Абутуробифард аз ҳайатҳо, мардону занони ироқӣ, ки шавқи такрими зоирони Арбаинро доштанд ва ба эҳтироми онон ба хидмат истоданд, ташаккур кард.
Хатиби намози ҷумъаи Теҳрон ҳамчунин бо ташаккур аз барномарезиҳои давлатмардони Эрону Ироқ дар маросими Арбаини имсол гуфт, ҳузури густардаи мардуми Теҳрон дар роҳпаймоии Арбаин ва дар ҷавори ҳарами мутаҳҳари ҳазрати Абдулазим Алҳасанӣ (а) ҳикоят аз имони росиху бовари мустаҳками мардуми шарифи устони Теҳрон ба арзишҳои исломӣ ва маорифи аҳли байт дорад.