Бозиҳои осиёии Ҳангжоу; роҳёбии миллипӯши сондои Эрон ба дидори ниҳоӣ
-
Илоҳаи Мансуриён дар муборизаи нахусти худ Алина Чоудҳори аз Непалро шикаст дод
Миллипӯши сондои занони Эрон бо роҳёбӣ ба финали вазни 52 килограм, медали нуқраи худ дар бозиҳои осиёии – 2022-ро қатъӣ кард.
Дар идомаи рақобатҳои вушуи бозиҳои осиёии 2022-и Ҳангжоу дар бахши сондо Илоҳаи Мансуриён муваффақ шуд бо пирӯзӣ муқобили ҳарифи индонезии худ, ба унвони нахустин намояндаи вушуи Эрон роҳии финали ин мусобиқот шавад.
Намояндаи вазни 52 килограми тими миллии занони Эрон дар марҳилаи ниманиҳоии вазни худ муқобили Торисо до Флоринтино аз Индонезия ба майдон рафт, ки бо шикаст додани ҳарифи худ финалист шуд.
Пеш аз ин мусобиқа Илоҳаи Мансуриён дар муборизаи нахусти худ Алина Чоудҳори аз Непалро шикаст дод ва дар муборизаи дувум ҳам Алтоф Сомирини покистониро аз пеши рӯ бардошта буд.
5 сондокори дигари Эрон (Шаҳрбонуи Мансуриён, Шуҷоъи Паноҳӣ, Афшини Салимӣ, Муҳсини Муҳаммадсейфӣ ва Юсуфи Сабрӣ) ҳам дар ду бахши занону мардон то дақоиқе дигар муқобили руқабои худ ба рӯи сакӯ хоҳанд рафт.
Бозиҳои осиёии Ҳангжоуи Чин аз 23 сентябр оғоз ва то 8 октябри соли 2023 идома дорад.
