Pars Today

Вазири умури хориҷа Эрон гуфт: Таҷовузоти ахири Амрикои ношӣ аз руйкарди иштибоҳи он барои ҳаллу фасли масоил бо тавассул ба низомигарӣ аст.

Дар пайи кушта шудан се низомии амрикоӣ дар пойгоҳи ин кишвар дар Урдун ҷангандаҳои амрикоӣ бомдоди шанбе манотиқиро дар хоки Ироқ ва Сурия бомбаборон карданд.

Барасоси эъломи давлати Ироқ дар ин ҳамалоти манотиқ Акошот ва Алқоим дар ғарби Ироқ ва чанд нуқтаи ғайринизомӣ дар муҷовирати ин манотиқ тавассути ҷангандаҳои амрикоӣ ҳадаф қарор гирифта аст.

Ба гузориши хабаргузории Форс, Ҳусейн Амириабдуллоҳён вазири умури хориҷаи Ҷумҳурии Исломии Эрон дар дидори Ханс Грундберг намояндаи дабирикули Созмони Милал дар умури Ямани зимни маҳкумияти ҳамалоти Амрико ба Ироқ ва Сурия онро ношӣ аз тадовуми руйкарди иштибоҳ ва нокоми Вашингтон барои ҳаллуфасли масоил бо тавассул ба зур ва низомигарӣ хонд.

Амирабдуллоҳён гуфт: Руйкарди низомии Амрико ба хусус ҳамалоти низомии ин кишвар ва Британия зидди Яман ва қарор додани муҷаддади номи Ансоруллоҳ дар феҳристи террористии Амрико шароитро печидатар ва роҳи ҳалли сиёсиро бо мушкил ру ба ру карда аст.

Вазири умури хориҷаи Эрон дар идомаи ин дидор бо ишора ба идомаи ҳимояти Ҷумҳурии Исломии Эрон аз барқарории сулҳу амнияти пойдор дар Яман гуфт: Талошҳо дар ҷиҳати барқарории субот ва амният дар саросари минтақа ба нафъи ҳамаи кишварҳои минтақа хоҳад буд.

Ханс Грундберг намояндаи дабирикули Созмони Милал дар умури Ямани ҳам гузориши аз иқдомоти Созмони Милал дар бораи эҷоди сулҳ ва оромиш дар Яман ва коҳиши танишҳо дар дохили ин кишвар ироа кард ва зарурати ҳаллуфасли решаи буҳронҳои минтақа бо истифода аз зарфиятҳои дарунии минтақаро мавриди таъкид қарор дод.

Ин дувумин сафари Грундберг ба Теҳрон дар ду моҳ ахир аст намояндаи вижаи дабирикули Созмони Милал дар умури Яман 5 ноябри ҳам дар сафар ба Теҳрон бо Ҳусейн Амирабдуллоҳиён дидор ва дар бораи таҳаввулоти минтақа ва ба вижаи мавзу Яман гуфтугу ва табодули назар карда буд.