Рушди 5 баробарии содироти бархе маҳсулоти кишоварзии Эрон ба Русия
Раиси Хадамоти федерали назорат бар беҳдошти ҳайвонот ва гиёҳони Русия гуфт: Содироти бархе маҳсулоти кишоварзии Эрон ба Русия дар сол 2023 нисбат ба муддати мушобеҳи он 5 баробар шудааст.
Русия як кишвари бузург ва пурҷамъияте аст, ки дар қалби қораҳои Аврупо ва Осиё қарор дорад, ки бозори хубе барои содироти маҳсулоти эронӣ аст.
Ба гузориши радиои тоҷикии Садои Хуросон, Сергей Данкверт дар дидор бо Алиризо Паймонпок, қоиммақоми Вазорати ҷиҳоди кишоварзии Эрон дар Русия, тиҷорати ду кишвар дар ҳавзаи маҳсулот кишоварзиро рӯ ба рушд донист ва гуфт: Маҳсулоти эронӣ ҷойгузини колоҳое шудааст, ки қабл аз ин аз Аврупо вориди Русия мешуд, ки нишон аз сифати болои маҳсулоти тавлидии Эрон дорад.
Раиси Хадамоти федерали назорат бар беҳдошти ҳайвонот ва гиёҳони Русия гуфт: Воридоти бархе колоҳои кишоварзӣ ҳамонанди апелсин, коҳу ва қаламфурӣ булғорӣ аз Эрон дар соли 2023 нисбат ба ҳамин муддати порсол 5 баробар шудааст.
Алиризо Паймонпок, қоиммақоми Вазорати ҷиҳоди кишоварзии Эрон низ дар ин дидор гуфт: Имзои мувофиқатномаи тиҷорати озод байни Эрон ва кишварҳои узви иттиҳодияи АвруОсиё гоми баланде дар тавсеаи тиҷорат, бахусус тиҷорати маҳсулоти кишоварзӣ маҳсуб мешавад.
Наврӯзӣ-раиси Созмони домпизишки(санитари)и Эрон низ бо ишора ба мушкилоти ба вуҷуд омада барои бархе аз содиркунандагони маҳсулоти ширии эронӣ, пешниҳод дод, ки Эрон ва Русия озмоишгоҳҳои муштараке дар манотиқи озоди Эрон таъсис диҳанд, то назорат бар беҳдошти маҳсулоти содиротии Эрон, дар дохили кишвар сурат пазирад.
Алиризо Паймонпок, қоиммақоми Вазорати ҷиҳоди кишоварзии Эрон дар сарварии ҳайате муташаккил аз раиси Созмони домпизишкӣ, муовини Созмони ҳифзи наботот ва мудирони омили теъдоде аз бузургтарин ширкатҳои саноъати ғизоии Эрон ба Русия сафар кардааст.
