Имзои қарордоди Туркманистону Эрон ҷиҳати суопи (ирсол) газ ба Ироқ

Пас аз музокироти фишурдаи байни Эрон ва Туркманистон барои қарордоди суопи (ирсол) газ ба Ироқ миёни тарафайн ба имзо расид .

Ба гузориши хабаргузории Меҳр , ин қарордод дар маросиме бо ҳузури Алӣ Муҷтабои Рӯзбеҳони сафири Ҷумҳурии Исломии Эрон дар Туркманистон ва Мақсад Бобоев раиси кансрани давлатии « Туркман газ » ба имзо расид .

Дар баёнияи муштараки матбуотӣ ки ба ҳамин муносибат интишор ёфт , унвон шудааст ки « Туркманистон ва Ҷумҳурии Исломии Эрон бар асоси усӯли дӯстӣ , ҳусни ҳамҷаворӣ , эҳтироми мутақобил ва мушорикати баробар , солҳост ки дар ҳоли тавсеаи равобити сӯдманди мутақобил дар санъати газ мебошанд » .

Тарафайн ҳамчунин таъкид карданд , « таҷрибаи мусбати фаъолиятҳои муштарак дар заминаи содироти гази Туркманистон ба Эрон ва аз тариқи хоки он кишвар ба кишварҳои солис , мабнои муҳкамӣ барои афзоиши зарфияти ҳамкориҳои дуҷониба дар ин заминааст » .

Бар ин асос ва ба манзур « истифодаи ҳарчӣ бештар аз фурсатҳои бузург ҷиҳати таъомули муассир дар содироти газ , музокиротии байни тарафҳои туркманистонӣ ва эронӣ дар таърихи 1 то 2 июл дар Ишқобод баргузор шуд ки тайи он тайфи густардае аз мавзӯъот мавриди баҳсу баррасӣ қарор гирифт ва тавофуқҳои марбӯта ҳосил шуд » .

Бар асоси ин қарордод , муқарар шуд солона то сақфи 10 миллиард метри мукааби гази Туркманистон бар асоси созу кори суоп , аз тариқи хоки Ҷумҳурии Исломии Эрон ба Ҷумҳурии Ироқ арза гардад . Суопи (ирсол) гази миёни Туркманистон ва Ҷумҳурии Исломии Эрони пеш аз ин дар солҳои 2022 ва 2023 низ ба мақсади Ҷумҳурии Озарбойҷои анҷом шудааст .