Имом Хоманаӣ: Ҷумҳурии исломӣ барои ғанисозӣ мунтазири иҷозаи «ин ва он» нест

Порс Тудей - Раҳбари Инқилоби Исломӣ имрӯз (сешанбе) бо хонаводаҳои шаҳид раисӣ ва дигар шаҳидони хизмату хонаводаҳои шуҳадои масъул дар даҳаҳои ахир дидор карданд.

Имом Хоманаӣ, раҳбари Инқилоби Исломӣ хитоб ба тарафи амрикоӣ дар музокироти ахир, таъкид карданд: Саъй кунанд ёвагӯӣ накунанд. Инки бигуянд ба Эрони иҷозаи ғанисозӣ намедиҳем, ғалати зиёде аст; Ҷумҳурии исломӣ мунтазири иҷозаи «ин ва он» нест.

Ба гузориши Порс Тудей, раҳбари Инқилоби Исломӣ таъкид карданд: Дар муносибате дигар ба миллат хоҳам гуфт, ки нияту ҳадафи воқеии онҳо аз ин исрор чист.

Ба гузориши Порс Тудей, имом Хоманаӣ бо ташреҳи хусӯсиёти қалбӣ, забонӣ ва амалии оятуллоҳ Раисӣ, раисиҷумҳури шаҳиди Эрон фармуданд: Дурӣ аз ҳокимияти фиръавнӣ ва ҳаракат дар масири ҳокимияти илоҳӣ, меъёри муҳим барои мудирияти кишвара ст, ки шаҳид Раисӣ мисдоқи томи он буд.

Раҳбари Инқилоби Исломӣ ба коргирии ҳамаи тавон барои хизмат ба бандагони Худо ва парҳез аз ҳаргуна истифода аз мавқеъияти сиёсии иҷтимоии ношӣ аз масъулиятро, дарси бузурги шаҳид Раисӣ хонданд ва афзуданд: Дар низоми исломӣ касоне, ки дорои чунин хусӯсиёте ҳастанд, кам нестанд, аммо ин вижагиҳо ва дарсҳо бояд ба сӯрати фарҳанги умумӣ дарбиёяд.

Имом Хоманаӣ бо ишора ба сароҳату садоқати шаҳид Раисӣ гуфтанд: Барои дарки аҳамияти ин рафтор бояд онро бо забони каззоби масъулони бархе кишварҳои ғарбӣ муқоиса кард, ки фарёди онҳо дар дифо аз сулҳу ҳуқуқи башар гӯши дунёро кар кардааст, аммо чашмони худро ба кушта шудани беш аз 20 ҳазор кӯдаки мазлӯм дар Ғазза бастаанд ва ба ҷинояткорон кумак ҳам мекунанд.

Ҳазрати оятуллоҳ Хоманаӣ бо ишора ба хадамоти мухталифи раисиҷумҳури шаҳид афзуданд: Шаҳид Раисӣ ба обу рӯ ва иззати миллӣ ва эътибори миллати Эрон низ хизмат кард ва онро иртиқо дод.

Имом Хоманаӣ бо ишора ба ин воқеият, ки шуҳадои парвози урдибиҳишт дар замони пирӯзии инқилоб ё ҷавон ва навҷавон буда ва ё ҳануз мутаваллид нашуда буданд, тарбияти ин ҷавонон ва садҳо ҳазор ҷавони дигар дар гӯшаву канори кишварро имтиёзи Инқилоби Исломӣ баршумурданд ва гуфтанд: Ин қудрати Инқилоби Исломӣ аст, ки метавонад ҷавони 19 солае ҳамчун Ормони Аливирдиро дар имтидоди ҳамон хатте басиҷ кунад, ки 40 сол қабл шаҳид оятуллоҳ Ашрафии Исфаҳонии 90 сола дар он роҳ шаҳид шуд.

Раҳбари Инқилоби Исломӣ бо таъкид бар инки инқилобе бархӯрдор аз чунин қудрат ва тавони басиҷкунандагии мустамар шикаст хӯрданӣ нест, афзуданд: Бояд қадри ин инқилоб, қудрати инсонсозии инқилоб, пешрафтҳои ношӣ аз он ва ҳаракати азими миллати Эронро донист ва аз Парвардгор барои идомаи он кумак хост то ин дарси мондагори миллати Эрон, барои башарияту миллатҳои дигар низ ҷорӣ ва тасбит шавад.