Тавсеаи ҳамкориҳои Эрон ва Тоҷикистон бо таъкид бар иҷрои тавофуқоти саноатӣ

Порси Тудей - Вазири санъат, маъдан ва тиҷорати Эрон дар дидор бо вазири саноат ва технологияҳои нави Тоҷикистон бар лузӯми иҷроӣ шудани тафоҳумномаҳо ва тасреъи равобити тиҷорӣ ва саноатӣ байни ду тараф таъкид кард.

Ба гузориши Порс Тудей ба нақл аз хабаргузории Садо ва симо, Саидмуҳаммади Атобак, вазири санъат, маъдан ва тиҷорати Эрон ва Шералӣ Кабир, вазири саноат ва технологияҳои нави Тоҷикистон дар нишасте муштарак дар Теҳрон, роҳҳои густариши ҳамкориҳои дуҷониба дар ҳавзаҳои саноатӣ, маъданӣ ва тиҷориро баррасӣ ва бар зарурати коҳиши фарояндҳои идорӣ ва иҷроисозии сареътари тавофуқоти пешин барои афзоиши сатҳи мубодилоти иқтисодӣ таъкид карданд.

Саидмуҳаммади Атобак дар ин дидор бо ишора ба таъкиди раиси Ҷумҳурии Исломии Эрон бар афзоиши сатҳи мубодилоти тиҷорӣ бо Тоҷикистон, омодагии комили Теҳронро барои густариши муровидоти иқтисодӣ эълом кард.

Вай бо баршумурдани тавонмандиҳои густардаи Эрон дар бахшҳои мухталиф, аз ҷумла маъдан, фароварии маводи маъданӣ, саноати доруӣ ва нассоҷӣ, гуфт: «Эрон бо захоири маъдании боло дар бахши аносури маъданӣ ва дастёбӣ ба дониши саноати мухталиф, аз ҷумла нассоҷӣ ва доруӣ, омодагии тавсеаи таъомулотро бо тасреъ дар иҷроӣ тавофуқот дорад.»

Дар идома ин нишаст, Шералӣ Кабир, вазири саноат ва технологияҳои нави Тоҷикистон бо ишора ба иштирокоти амиқи фарҳангӣ ва иқтисодии ду кишвар, бар иродаи давлати матбӯъи худ барои густариши ҳамаҷонибаи равобити иқтисодӣ бо Эрон таъкид кард.

Вай бо баёни инки Тоҷикистон дар ҳавзаи саноати шимиёӣ ниёзманди навсозии корхонаҳо аст, ин мавзӯро заминае муносиб барои ҳамкории муштарак бо ширкатҳои эронӣ донист. Шералӣ Кабир зимни ишора ба инки Тоҷикистон содиркунандаи панба ба Эрон аст, барои содироти соири маҳсӯлоту баҳрамандӣ аз бозори тиҷории Эрон эъломи омодагӣ кард.