Интишори китоби хотироти Раҳбари шаҳиди инқилоб ба забони русӣ

Китоби «Селули 14» хотираҳои ҳазрати оятуллоҳ Сайид Алии Хоманаӣ, Раҳбари шаҳиди инқилоб аз даврони табъид ва зиндон дар давраи Паҳлавӣ, ба забони русӣ мунташир шуд.  

Ба гузориши Порс-Тудей, ба нақл аз Хабаргузории Садо ва Симо, китоби «Селули 14» дорои хотираҳои ҳазрати оятуллоҳ Сайид Алии Хоманаӣ аз зиндонҳо ва табъиди даврони муборизаҳои Инқилоби Исломӣ мебошад. Асли ин китоб ба забони арабӣ таълиф шуда ва бо номи «إنّ مع الصّبر نصراً» дар Бейрут мунташир ва сипас бо унвони «Селули 14» ва «Хуни диле, ки лаъл шуд» ба забони форсӣ тарҷума ва мунташир шуда буд.  
Акнун ин китоб бо тарҷумаи Александр Андрюшкин дар 256 саҳифа аз сӯи нашриёти АСТ ва "Садро" ба забони русӣ тарҷума ва дар ихтиёри алоқамандон ба таърихи Инқилоби Исломӣ ва шахсияти Раҳбари шаҳиди инқилоб қарор гирифтааст.  
Он чи китоби ҳозирро аз китобҳои монанд мумтоз мекунад, баёни ҳикматҳо, дарсҳо ва ибратҳое аст, ки ба фарохури баҳсҳо баён шуда ва ҳар кадоме аз онҳо метавонад чароғи роҳе барои ошноии хонандаи китоб, бахусус ҷавонон, бо фоҷеаҳои режими Паҳлавӣ, ҳамчунин сахтиҳо, машаққатҳо ва ранҷҳои муборизон ва дар муқобил поймардӣ, муқовимат, ихлос ва имони инқилобиён бошад.  
Нашриёти АСТ пеш аз ин тарҷумаҳои русии Қуръони Карим, Наҳҷул-балоға ва ҳамчунин китоби садоноки Наҳҷул-балоға ба забони русиро, ки дар Бунёди "Ибни Сино" ва нашриёти "Садро" таҳия ва омода шуда буд, бо сармоягузории худ мунташир кардааст.