Зарбаҳои сангини неруҳои мусаллаҳи Эрон ба пойгоҳҳои Амрико дар минтақа

Порс тудей - Гузоришҳо аз таркишҳои даҳшатноку паи дар пай дар таъсисоти низомии артиши Амрико дар нуқоти мухталифи минтақа хабар медиҳанд.

Ба гузориши Порс тудей ба нақл аз хабаргузории Меҳр , силсилаҳамлаҳои густардаи неруҳои мусаллаҳи Эрон ба таъсисоти низомии Амрико дар минтақа , паҳлуҳои наве аз ноамнӣ барои неруҳои фароминтақаиро ошкор кард ; аз нобудии радарҳои амрикоӣ дар Кувайт то эъломи вазъияти ҳушдори амниятӣ дар Қатар , нишондиҳандаи ларзон шудани ҷойгоҳи Вашингтон дар ғарби Осиё аст.
Бар асоси гузоришҳои майдонӣ пойгоҳҳои ишғолгарони Амрико дар Урдун , Кувайту Қатар дар соъатҳои ахир ҳадафи ҳамалоти шадиди неруҳои мусаллаҳи Эрон қарор гирифтаанд.
Ҳамчунин гузоришҳои расида аз Баҳрайн баёнгари он аст, ки мақари новгони панҷуми Амрико дар ин кишвар , аз ҷумла пойгоҳи « ал-Ҷафир » , ҳадафи шиллики мустақим ва инфиҷорҳои шадид будааст.
Манбаъҳои хабарӣ гузориш доданд, ки дар ҷараёни амалиётҳои ахири неруҳои мусаллаҳи Эрон радарҳои артиши Амрико дар Кувайт ҳадафи ҳамалоти дақиқ қарор гирифтаву аз байн бурда шудаанд.
Хабаргузории фаластинии « Само » бо таъиди ин хабар тасвирҳое аз лаҳзаҳои бархурди мушакҳо ба пойгоҳҳои Амрико дар Кувайтро мунташир кард.
Дар паи афзоиши чашмгири таҳдидҳо перомуни пойгоҳҳои амрикоӣ дар Қатар , Вазорати дохилии ин кишвар дар иқдоми камсобиқа , сатҳи ҳушдори амниятиро « боло » эълом кард.