Пизишкиён: Размандагони мо дунёро ба шигифтӣ водоштанд

Порс Тудей - Раисиҷумҳури Эрон гуфт, дифои ҷононаи неруҳои мусаллаҳи Эрон бо пуштибонии мардуму ҳамоҳангии ҳамаи бахшҳо, муҳосибаҳои душманро барҳам зад.

Ба гузориши Порс Тудей ба нақл аз хабаргузории Садо симо, Масъуди Пизишкиён, раисиҷумҳури Эрон дар изҳороте бо таъкид бар таҳлили равандҳои ахири минтақа баён кард, ки Ҷумҳурии Исломии Эрон оғозгари ҷанги набуда ва муҳосибаи тарафҳои муқобил бар ин буда, ки бо идомаи масири иттихоз шуда, метавонанд заминаи фурӯпошии Эронро фароҳам оваранд ва дар чунин бистаре ба аҳдофи худ даст ёбанд.

Пизишкиён дар идома ба моҳияти ҳамалоти сӯрат гирифта аз сӯи душман ишора кард ва гуфт: Амрико бо истифода аз пойгоҳҳои мустақар дар хоки кишварҳои минтақа, таъсисот ва марокизи моро ҳадаф қарор додааст. Ин пурсиш матраҳ аст, ки мадрасаи Миноб аз чӣ кишваре мавриди исобат қарор гирифт? Мушаххасан аз сӯи бархе кишварҳои мусулмону ҳамсоя. Табиист, ки мо наметавонем чунин вазъиятеро бипазирем ва рӯйкарди мо низ ҳадаф қарор додани он кишварҳо нест, балки посухи мо мутаваҷҷеҳи марокизе хоҳад буд, ки аз онҳо ба мо ҳамла мешавад.

Вай бо тарҳи ин савол, ки бар чӣ асосе Амрико бояд дар минтақа пойгоҳи низомӣ эҷод карда ва кишварҳои исломии ноҳамсӯ бо худро саркӯб кунад, тасреҳ кард: Ҷумҳурии Исломии Эрон ҳаргиз худро тобеъи қудратҳои хориҷӣ намедонад ва султапазириро мардӯд мешуморад. Мо қасди зӯргӯӣ ба ҳеҷ кишвареро надорем, аммо дар баробари зӯр низ сари таъзим фурӯд намеоварем.

Раисиҷумҳури Эрон бо таҷлил аз рашодатҳои неруҳои мусаллаҳи Эрон, ҷонфишонии ононро халқкунандаи саҳнаҳое донист, ки ҷаҳонро ба шигифтӣ водошт ва ин муваффақиятҳоро марҳӯни пуштибонии бебадили мардуми Эрон арзёбӣ кард.