Ироқчӣ: Мутаҷовизон набояд аз зери бори масъулияти ҷиноятҳояшон фирор кунанд

Порс Тудей- Вазири умури хориҷаи Эрон бо баёни ин ки набояд иҷоза диҳем мутаҷовизон аз зери бори масъулияти иқдомоти ҷинояткоронаи худ фирор кунанд, гуфт: Муҳити зист мероси муштараки башарият аст; на майдони рақобатҳо, на абзори фишори сиёсӣ ва на қурбонии мулоҳизаҳои кӯтоҳмуддати иқтисодӣ ва низомӣ.

Ба гузориши Порс Тудей ба нақл аз хабаргузории Форс, Сайид Аббос Ироқчӣ, вазири умури хориҷаи Эрон рӯзи якшанбе 11 октябри 2026 дар ҳамоиши байналмилалии «Экосайд; ҷинояти ҷангии хомӯш» гуфт: Имрӯз дигар наметавон муҳити зистро қурбонии хомӯши ҷанг донист. Ҷанг ва мухосима танҳо ҷони инсонҳо, шаҳрҳо ва зерсохтҳои иқтисодӣ ва иҷтимоиро ҳадаф қарор намедиҳад, балки об, хок, ҳаво, ҷангалҳо, арозии кишоварзӣ, манобеи энергетика, зистгоҳҳои табиӣ ва танаввӯи зистӣ низ дар маърази асарҳои вайронгари он қарор мегиранд.

Ироқчӣ хотирнишон кард: Дар солҳои ахир дар Ғазза, Лубнон ва Эрон шоҳид будаем, ки чигуна ҳамлаҳои низомӣ, илова бар талафоти инсонӣ ва тахриби зерсохтҳои ҳаётӣ, асарҳои амиқ ва гоҳ мондагоре бар муҳити зист бар ҷой гузоштаанд.

Вай тасреҳ кард: Аз манзари Ҷумҳурии Исломии Эрон, ҳуқуқи байналмилал набояд дар баробари тахриби муҳити зист ва нақзи ҳуқуқи асосии инсонҳо дар шароити ҷангӣ бетафовут бошад. Иҷрои муассири усули ҳуқуқи байналмилали башардӯстона, аз ҷумла асли тамойюз ва асли таносуб, бояд дар канори таваҷҷуҳи ҷиддӣ ба асарҳои мустақим, ғайримустақим ва баландмуддати иқдомоти низомӣ бар муҳити зист мавриди таваҷҷуҳ қарор гирад.

Ироқчӣ гуфт: Ҳуқуқи байналмилалии башардӯстона аз ҷумла қавоиди марбут ба ҳифозат аз муҳити зисти табиӣ дар мухосимоти мусаллаҳона, бояд бо ҷиддият риоят шавад ва ҷомеаи байналмилалӣ наметавонад дар баробари паёмадҳои зистмуҳитии ҷанг бетафовут бимонад. Мустанадсозии мустақили хисорот, арзёбии илмии асарҳои баландмуддат ва фароҳам кардани имкони ҷуброн ва бозсозӣ бояд бахши ҷудоинопазир аз посухи байналмилалӣ ба мухосимот бошад.

Вазири умури хориҷаи Эрон ёдовар шуд: Баргузории сиву якумин нишасти конфаронси аъзои конвенсияи чорчӯби Созмони Милали Муттаҳид дар бораи тағйири иқлим (КОП 31) фурсати муносибе аст то таваҷҷуҳи ҷомеаи байналмилалӣ беш аз пеш ба асарҳои мухарриби ҳамлаҳои таҷовузкорона бар муҳити зист ва иқлими кишварҳо ҷалб шавад. Ҳадаф бояд тақвияти ҳамкории байналмилалӣ, афзоиши посухгӯӣ, масъулиятпазирӣ ва ҳимоят аз қурбониён, ҳифозат аз муҳити зист ва тазмини ҳуқуқи наслҳои оянда бошад. Ҷумҳурии Исломии Эрон омода аст дар ин масир, зарфиятҳои илмӣ, ҳуқуқӣ ва дипломатикии худро барои тақвияти ҳамкориҳои байналмилалӣ ба кор гирад.

Вай гуфт: Ҷумҳурии Исломии Эрон ҳамчунин омодагӣ дорад дар талошҳои ҷамъӣ барои пешгирӣ аз тахриби густурдаи муҳити зист, тақвияти ҳамкориҳои минтақавӣ ва иртиқои масъулиятпазирии байналмилалӣ мушорикат кунад. Мо набояд иҷоза диҳем мутаҷовизон аз зери бори масъулияти иқдомоти ҷинояткоронаи худ фирор кунанд. Мо бояд бо ҳамкорӣ ва мушорикати ҷамъӣ онҳоро посухгӯ кунем. Табиат садое дар мизи музокира ё ҷанг надорад. Ин масъулияти мост, ки иҷоза надиҳем сукути онҳо ба баҳои нобудии ояндаи башарият тамом шавад.