Густариши забони форсӣ, идомаи роҳи Ҳаким Фирдавсӣ
Муовини Осиё, уқёнусия ва муштаракулманофеи Вазорати умури хориҷаи Эрон густариши забони форсиро идомаи роҳи Фирдавсӣ донист ва бар зарурати истифода аз равишҳои илмии ҷадид дар густариши забони форсӣ таъкид кард.
Ба иттилои равобити умумии бунёди Саъдӣ, Иброҳими Раҳимпур гуфт: Ҳамон тавр, ки дар гузашта Фирдавсии бузург барои полоиш ва ҳифзи забони форсӣ, кори хатиреро бо ишқ анҷом дод ва инқилобӣ дар забони форсӣ эҷод кард, имрӯз низ густариши забони форсӣ ба ишқу алоқа, солиёни тӯлонии талош ва вуҷуди наҳоде мустақил ниёзманд аст, ки ин ниҳод умре садсола пайдо кунад, зеро густариши фарҳангу забон, амре замонбар аст .
Раҳимпур бо баёни инки забони форсӣ ба полоиш, ҳифзу густариш ниёз дорад, афзуд: Бунёди Саъдӣ барои омӯзиши забони форсӣ ба ғайри форсизабонон ба самти равишҳои илмии ҷадид рафтааст, ки ин кор дар густариши забони форсӣ дар ҳавзаи тамаддунӣ ва ҷаҳон бисёр таъсиргузор хоҳад буд .
Муовини вазири умури хориҷаи Эрон гуфт: Қаблан омӯзиши забони форсӣ бо корҳои мазҳабӣ ва сиёсӣ махлут буд, аммо ташкили бунёди Саъдӣ ва тамаркузи фаъолиятҳо ба сурати тахассусӣ дар густариш ва тарвиҷи забони форсӣ, дорои аҳаммияти вижае аст .