Эрон бузургтарин содиркунандаи коло ба Афғонистон дар соли 2017
Сафири Афғонистон дар Эрон гуфт, кишвараш имсол бештарин воридоти колоро аз Эрон доштааст.
Ба гузориши радио тоҷикии Садои Хуросон, Насир Аҳмад Нур, сафири Афғонистон дар Эрон рӯзи чаҳоршанбе дар чаҳорумин Ҷашнвораи миллии пистаи Эрон дар устони Симнон афзуд, Покистон дар солҳои гузашта рутбаи аввали содирот ба Афғонистонро дошт, ки дар соли 2017 ҷойи худро дар ин замина ба Ҷумҳурии Исломии Эрон дод.
Аҳмад Нур бо ишора ба тавсеаи равобити Эрон ва Афғонистон гуфт, то кунун теъдоди зиёде аз вазирони давлати Афғонистон ба Эрон сафар карда ва бо маҳсулот ва саноеи дастии Эрон ошно шудаанд.
Сафири Афғонистон дар Эрон ҳамчунин ибрози умедворӣ кард, бахшҳои давлатӣ ва хусусии Эрон заминаи иртиботи бештари ду кишварро фароҳам ва барои ҳифзи ҷойгоҳи Эрон, колоҳои бокайфият ба Афғонистон содир кунанд.
