Эрони исломӣ дар солрӯзи Иди саиди Ғадир саросар дар шодиву сурур аст

Мардуми Эрон аз шаби гузашта токунун дар солрӯзи имомати Амиралмуъминин Алӣ (а) дар Иди саиди Ғадир бо баргузории ҷашну гирдиҳамоиҳои бузург дар амокини муқаддас, ин рӯзро гиромӣ доштанд.

Ҳамзамон бо Иди Ғадири Хум шаҳри Машҳади муқаддас дар шимоли шарқи Эрон, ки мудаммани оқо Алӣ ибни Мусалризо (а) аст, ғарқи нуру шодмонӣ шуд ва муҷовирону зоирони Остони Қудси Разавӣ бо нурафшонӣ ва ғариви шодӣ, ин рӯзи бузургро гиромӣ доштанд.  

Ба ҳамин муносибат дар ҳар хиёбон аз ин шаҳри бузург ба номи ҳазрати Алӣ (а) ва фарзанди гаронқадраш соминалҳуҷҷаҷ Алӣ ибни Мусалризо (а) истгоҳҳои шодмонӣ барпо аст ва иродатмандони хондони исмату таҳорат (а) машғули пахши шарбату ширинӣ байни мардум шудаанд .

Остони муқаддаси ҳазрати Аҳмад ибни Мусо Шоҳчароғ (а) дар Шероз дар ҷануби Эрон баунвони конуни аслии баргузории ҷашнҳои имомат ва вилоят дар ин минтақа низ мизбони ҳазорон нафар аз дӯстдорони хондони аҳли байт (а) буд, ки барои баргузории ҷашни Иди Ғадир ба ин макон омада буданд.  

Шаҳри Қум дар маркази Эрон ва ҳарами мутаҳҳари ҳазрати Фотимаи маъсума (с) низ мизбони ошиқону шефтагони хондони вилоят ва зоиронест, ки аз саросари кишвар вориди ин макони муқаддас шуда ва ин рӯзро дар канори боргоҳи малакутии Каримаи аҳли байт (а) ҷашн гирифтаанд.

Ҳарами мутаҳҳари бонуи каромат ҳолу ҳавои вижае ба худ гирифта ва барномаҳои ҷашну сурур бо мадҳиясароии маддоҳони аҳли байт (а) ва қироати адъия ва ҳамхонии гурӯҳҳои тавошиҳ дар ин ҳарами мутаҳҳар баргузор шуд.  

Саҳнҳои мухталифи ҳарами мутаҳҳари Каримаи аҳли байт (а) мамлу аз зоироне аз саросари кишвар ва қишрҳои мухталифи мардум ва иродатмандони аҳли байти исмату таҳорат (а) аст .

Мардум дар рӯзи Иди Ғадир ба дидори уламо ва содот мераванд ва мизбонон низ ба майманати ин рӯзи бузург ба меҳмонон идона медиҳанд.  

18-и зилҳиҷҷа, солрӯзи воқеаи Ғадири Хум аст рӯзе, ки Ҷабраили амин ояи 70-и сураи моидаро ба паёмбар ваҳй кард ва паёмбари аъзам (с) дар бозгашт аз охирин ҳаҷҷи худ мусалмононеро, ки дар ҳаҷ ширкат доштанд, дар Ғадири Хум ҷамъ ва Алӣ ибни Абитолиб (а)-ро баунвони васӣ, бародар ва ҷонишини худ муаррифӣ кард.