Pars Today

Ҳудуди 130 шабака ба забони форсӣ ва ҳудуди 140 шабака бо лаҳҷа ва ақвоми эронӣ фаъолона алайҳи Эрон барнома пахш мекунанд ва фарҳангу ҳувияти эронӣ-исломиро нишона гирифтаанд.

Ин ҳаҷма абъод ва осори мухталифе дорад, ки пайгарди он аз ҷанбаи ҳуқуқӣ дорои аҳаммият аст.

Абдулалӣ Алиасакрӣ, раиси Садо ва симои Ҷумҳурии Исломии Эрон ин мавзуро дар нахустин нишасти шӯрои тахассусӣ ва роҳбурдии умури ҳуқуқии расонаи миллӣ матраҳ кард.

Раиси Садо ва симо дар ин нишаст бо ишора ба зарурати пайгарди ҳуқуқии муҳтавои зиддиэиронӣ дар шабакаҳои моҳвораии душман бар шикояти ҳуқуқии Садо ва симо аз муҳтавои зиддиэронӣ дар шабакаҳои душман таъкид кард.

Бо тавваҷуҳ ба нақши муҳими расона ва зарурати баҳрамандии душман аз низоми ҳуқуқи расонаӣ дар мувоҷиҳа бо шабакаҳои моҳвораии душман, ин мавзӯ аз ду ҷиҳат қобил тааммул аст:

Нахуст, аҳаммияти пайгарди мавзӯ аз ҷанбаи ҳуқуқ ва муоҳидоти байналмилалӣ дар ҳавзаи расона аст. Дар ин замина масоили ҷиддӣ ва муҳиме вуҷуд дорад, ки ба мувозоти пешрафт дар арсаи расона, бояд ҷанбаҳои ҳуқуқӣ дар ин замина низ мавриди тавваҷуҳ қарор гирад.

Ҷанбаи дувум дар нигоҳ ба ин мавзӯ, муқобила бо ҷараёнҳои тахрибӣ аз сӯи расонаҳои бегона ва тардидафкании онҳо нисбат ба шафофияти расонаи миллӣ аст. Махдуш ҷилва додани нақши маҷмуае, ки нақши муҳимме дар афкори умумии ҷомеа дорад, қатъан ҷараёне бо аҳдофи роҳбурдии расонаӣ ва дар ҷиҳати тахриб аз дарун аст, ки басурати вижа дар дастури кори қишри мушаххасе аз фаъолон дар фазои маҷозӣ ва расонаҳо ва шабакаҳои моҳвораӣ қарор гирифтааст.

Бархе аз соҳибназарон дар арсаи расона дар ин замина аз тағйири равиши ҷараёнҳои барандозона аз иқдомоти сахт ба самти ҷанги нарм ва барандозӣ аз дарун сухан гуфта ва аз ин ҷараён ба унвони намунае ҷангҳои таркибӣ ёд кардаанд.

Andrew Korybko, рӯзноманигор ва таҳлилгари сиёсӣ, дар бахше аз китоби худ бо номи "Ҷангҳои таркибӣ", ба воқеаҳои пас аз интихоботи соли 1388 дар Эрон ишора, карда ва менависад:"...Амрико баъд аз таҷрибаи фоҷеъаи пурҳазинаи ҷанг бо Ироқ ва ишғоли ин кишвар аз соли 2003 ба баъд, вобастагии худ ба ҷанги таркибиро афзоиш дод, чун аз ҷанги Ироқ ин дарси фаромуши нашуданиро гирифта буд, ки чӣ қадар аҳамият дорад ҷангҳоро аз тариқи «бурун‌супорӣ» ба муттаҳидони ҳамфикри минтақаияш муҳаввал кунад. Ба иборати дигар, Амрико тасмим гирифт аз ҷанги мутаораф дар миқёси бузург фосила бигирад ва ба суроғи ҷангҳои ниёбатӣ баравад. Ин ҷангҳо зотан ҷангҳое номутақорин ва «дохлӣ/маданӣ» ҳастанд, ки сервисҳои низомӣ-амниятии ҳадаф, маъмулан омодагии бархӯрд бо онҳоро надоранд."

Амрико дар ҷангҳои таркибӣ бо истифода аз дастгоҳи таблиғотӣ ва расонаӣ ва ҳамчунин шабакаи густардаи моҳвораӣ дар созмондиҳии ҷангҳои таркибӣ алайҳи кишварҳои ҳадаф, ифои нақш мекунад. Соли гузашта низ дар пайи нооромиҳое, ки дар бархе аз шаҳрҳои Эрон ба дунболи иҷрои мусаввабае дар заминаи мудирияти масрафи сухт рух дод, шабакаҳои моҳвораии вобаста ба Амрико ба суръат ворид амал шуданд ва ошкоро ба ҳимоят аз ошӯбгарон пардохтанд. Ин иқдомот нишондод, ки шабакаҳои моҳвораӣ ва фазои сойберӣ ва иртибототи маҷозӣ аз нигоҳи бегонагон абзоре дар ҷиҳати ҳидояти ҷанги нарм алайҳи давлатҳои мустақил ва низомҳои мухолиф бо истикбори ҷаҳонӣ аст. Бо тавваҷуҳ ба ҳамин нукта аст, ки раиси расонаи миллӣ бар зарурати шикояти ҳуқуқии Эрон аз ин ҳаҷм муҳтавое, ки дар шабакаҳои моҳвораӣ алайҳи кишвар ва тахриби афкори умумӣ мунташир мешавад, таъкид кардааст.

БЕШТАР БИХОНЕД:

Шикояти Эрон аз шабакаҳои душмани форсизабон дар Англия

Шикояти Эрон аз шабакаҳои душмани форсизабон ба иллати таҳрифи муғризонаи таҳаввулоти ахири Эрон