Охирин омори корона дар Эрон

Сухангӯи Вазорати беҳдошт, дармон ва омӯзиши пизишкии Эрон гуфт, бо фавти 89 нафар аз беморони мубтало ба корона дар 24 соати гузашта, теъдоди ҷонбохтагони ин вирус дар кишвар ба 62 ҳазору 397 нафар расидааст.

Симо Содот Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи якшанбе бо эъломи охирин омори мубталоён ва ҷонбохтгони корона дар кишвар афзуд: Дар шабонарӯзи гузашта бар асоси меъёрҳои қатъии ташхисӣ ҳашт ҳазору 751 бемори ҷадиди мубтало ба Ковид- 19 дар кишвар шиносоӣ шуданд.

Сухангӯи Вазорати беҳдошт, дармон ва омӯзиши пизишкии Эрон гуфт: Маҷмӯи беморони Ковид - 19 дар кишвар ба як миллиону 855 ҳазору 674 нафар расидааст.

Лорӣ афзуд: То кунун як миллиону 593 ҳазору 219 нафар аз беморон беҳбуд ёфта ё аз бемористонҳо тархис шудаанд.

Бемории Ковид -19 бар асоси омори расмии кишварҳо вируси корона то кунун беш аз 127 миллион нафарро дар дунё мубтало карда ва беш аз ду миллиону 790 ҳазор нафар низ бар асари бемории Ковид -19 ҷони худро аз даст додаанд.

Бештар бихонед:

• Рӯҳонӣ: Умедворем Эрон то поёни 1400 содиркунандаи ваксинаи корона шавад 
• Эминӣ ва короии ваксинаи дувуми Русия алайҳи вируси корона исбот шуд
• Номнависӣ аз довталабони дарёфти ваксинаи эронии корона