Рӯнамоӣ аз китоби "Зариф ва парвандаҳои бузург'' дар Ироқ
-
Дар ин китоб 3 парвандаи ҳастаӣ, масоили Эрону Амрико ва дипломатияи чандҷониба аз дидгоҳи Зариф баррасӣ шудааст
Бо ҳузури вазири умури хориҷаи Эрон аз китоби «Зариф ва Ал Милафот ал Кубро» (Зариф ва парвандаҳои бузург) дар Ироқ рӯнамоӣ шуд.
Ба гузориши хабаргузории ИСНА, Муҳаммадҷаводи Зариф, вазири умури хориҷаи Эрон рӯзи сешанбе дар Бағдод ва дар ҳошияи дидор ва гуфтугӯ бо мақомоту шахсиятҳои ироқӣ аз китоби «Зариф ва Ал Милафот ал Кубро» (Зарифу парвандаҳои бузург), ки дар муассисаи ироқии Равоқ ва ба забони арабӣ интишор ёфтааст, рӯнамоӣ кард.
Дар ин китоб 3 парвандаи ҳастаӣ, масоили Эрону Амрико ва дипломатияи чандҷониба аз дидгоҳи вазири умури хориҷаи Эрон мавриди баррасӣ қарор гирифтааст.
Муҳаммадҷаводи Зариф дар идомаи сафари минтақаии худ рӯзи душанбе аз Давҳаи Қатар вориди Бағдод, пойтахт Ироқ шуд.
Зариф рӯзи сешанбе аз Бағдод ба Арбил, маркази иқлими Курдистони Ироқ рафт ва пас аз он Ироқро ба мақсади Умон тарк хоҳад кард.
Бештар бихонед:
- Рӯнамоӣ аз китоби Раҳбари Инқилоби Исломӣ дар намоишгоҳи китоби Бағдод
- Сафари Зариф ба Қатар ва Ироқ, аҳаммияти аҳдофи минтақаӣ ва фароминтақаӣ
