Вуруди мақомоти кишварҳои мухталиф барои ширкат дар маросими савгандёди раёсати ҷумҳӯрии Эрон

Мақомоти кишварҳои мухталиф барои ширкат дар маросими савгандёди раёсати ҷумҳӯрии Эрони вориди Теҳрон шуданд .

Ба гузориши радиои тоҷикии Садои Хуросон, Вячислав Володин-раиси Думаи Русия имрӯз панҷшанбе барои ҳузур дар маросими савгандёди Сайидиброҳими Раисӣ-раиси ҷумҳӯрии Эрон вориди фурудгоҳии Имом Хумайнӣ ( раҳ )-и Теҳрон шуд .
Рӯҳуллоҳ Мутафаккири Озод-узви ҳайати раисаи Маҷлиси шӯрои исломии Эрон аз ин мақоми Русия ва ҳайати ҳамроҳаш истиқбол кард .
Ҳамчунин Муҳаммад Ашрафғанӣ-раиси ҷумҳӯрии Афғонистон, Никол Пашинян- нахуствазири Арманистон,Барҳум Солеҳ- раиси ҷумҳӯрии Ироқ, шайх Наим Қосим- нойиби раиси Ҳизбуллоҳи Лубнон, Ивица Дачич-раиси порлумони Сербия ва Имон ибни Абдурраҳмон-нахуствазири Алҷазоир низ имрӯз панҷшанбе аз тариқи фурудгоҳии байналмилаллии Имом Хумайнӣ ( раҳ ) вориди Теҳрон шуданд, то дар маросими савгандёди сездаҳумини давраи раёсати ҷумҳӯрии Эрон ҳозир шаванд .
Аз ду рӯз қабл то кунун шумори зиёде аз мақомоти олирутбаи кишварҳои мухталифи ҷаҳон барои ширкат дар ин маросим вориди Теҳрон шудаанд .
Маросими савгандёди раиси ҷумҳӯрии Эрон  имрӯз бо ҳузури 115 мақоми расмӣ аз 73 кишвари ҷаҳон дар Маҷлиси шӯрои исломӣ баргузор мешавад .



Бештар бихонед :

• Баргузории маросими таҳлифи раисҷумҳури Эрон имрӯз

• Вуруди мақомоти хориҷӣ ба Теҳрон барои ширкати дар маросими Савгандёди раисиҷумҳури ҷадиди Эрон

• Бозтоби маросими таҳлифи раисҷумҳури исломии Эрон дар расонаҳои ҷануби шарқи Осиё