Мулоқоти вазирони корҳои хориҷии Эрон ва Чин дар Душанбе

Вазирони хориҷаи Эрон ва Чин дар Душанбе мулоқот карданд.

Ван И аз қавли Sputnik гуфтааст, "пас аз таъсиси ҳукумати нави Эрон, муносибатҳои Чину Эрон рушди мусбии худро нигоҳ доштанд ва табодул ва тамосҳо миёни ду тараф дар сатҳи баланд қарор доранд."

• Вай афзуд: "Ин тамоюл сатҳи баланди шарикии ҳамаҷонибаи стратегии ду кишварро нишон медиҳад."
• Вазири умури хориҷии Чин дар идома гуфт, ки Чин ҷониби Эронро дар муқобила бо гегемония, ҳифзи соҳибихтиёрӣ, шаъну шараф, ҳуқуқ ва манфиатҳои қонунии он сахт дастгирӣ мекунад.
• Ван И гуфт, ки Чин омода аст бо ҷониби Эрон дар амалисозии нақшаи ҳамаҷонибаи ҳамкорӣ (25 сола) ва пешбурди ҳамкорӣ дар чаҳорчӯбаи "камарбанд ва роҳ", инчунин дар соҳаи энержӣ ва захираҳои табиӣ ҳамкорӣ кунад.

Ба гуфтаи вазири Чин, ин кишвар аз вуруди Эрон ба Созмони Ҳамкориҳои Шанхай пуштибонӣ мекунад ва омода аст ҳамоҳангӣ ва ҳамкориро бо Эрон дар умури минтақаӣ ва байналмилалӣ тақвият диҳад.

•  Ҳамчунин гуфта шуд, ки Чин дар якҷоягӣ бо Эрон барои таъсиси сохтори фарогири сиёсӣ дар Афғонистон, ҳамзистии ҳамоҳанг бо кишварҳои ҳамсоя ва андешидани чораҳои амалӣ барои мубориза бо терроризм дар ҳама гуна шакл талош мекунад.
• Вазири умури хориҷии Эрон Ҳусейн Амир Абдуллоҳиён низ дар ин дидор гуфт: "Муносибатҳои Эрон ва Чин аҳамияти стратегӣ доранд."
• Вай афзуд: "Ҳукумати нави Эрон омода аст бо Чин барои амалӣ кардани нақшаи ҳамаҷонибаи ҳамкорӣ ва мусоидат ба ҳамкорӣ дар соҳаҳои нақлиёт, энергетика, фарҳанг, технология ва сайёҳӣ ҳамкорӣ кунад."

Вазири умури хориҷаи Эрон аз Чин барои кумакаш дар мубориза бо бемории ишемияи дил изҳори сипос кард.

Маълумоти бештар:

• Ҳимояти Русия, Ҳинд ва Чин аз узвияти комили Эрон дар Созмони Ҳамкории Шанхай