Асноди сабти ҷаҳонии 4 асар таҳвили Эрон шуд
Дар дидори сафири Эрон дар ЮНЕСКО бо муовини вазир ва муовини мероси фарҳангии Вазорати мероси фарҳангӣ, гардишгарӣ ва саноеи дастӣ, асноди сабти ҷаҳонии чаҳор асари Эрон таҳвил дода шуд.
Аҳмади Пакетчи, сафири Эрон дар ЮНЕСКО алвоҳи сабти ҷаҳонии роҳи оҳани саросарии Эрон ва манзараи фарҳангии Ҳуромон, ки дар феҳристи мероси ҷаҳонии малмус сабт шудаанд ва ҳамчунин алвоҳи сабти ҷаҳонии ҳунари нигоргарӣ ва зиёрати Тодиуси муқаддасро, ки аз ҷумлаи парвандаҳои чандмиллиятии мероси фарҳангии Эрон маҳсуб мешаванд ва ба сурати муштарак бо кишварҳои ҳамсоя тадвин ва дар феҳристи мероси ҷаҳонии номалмус сабт шудаандро барои сабту нигаҳдорӣ дар асноди мероси фарҳангӣ ба Алии Доробӣ, муовини вазири мероси фарҳангӣ, саноеи дастӣ ва гардишгарии Эрон таҳвил дод.
Италия, Чин, Испания, Фаронса, Олмон, Ҳиндустон, Мексика, Англия, Эрон ва Русия 10 кишвари бартари дунё дар теъдоди осори сабтшудаи ҷаҳонӣ ҳастанд.
Эрон бо 26 асари ғайриманқули сабтшудаи ҷаҳонӣ дар Осиё рутбаи сеюм ва дар дунё рутбаи нуҳумро дорост ва дар ҳавзаи сабти мероси номалмуси ҷаҳонӣ бо сабти 16 асар дар дунё дар рутбаи ҳафтум қарор дорад.
