Сахттар шудани таҳримҳо дар тазод бо ҷиддияту ҳусни нияти иддаоии Амрико аст
Сухангӯи Вазорати хориҷаи Ҷумҳурии исломии Эрон дар Твиттер аз иқдоми душманонаи ҷадиди Амрико дар таҳрими чанд фард ва ниҳоди эронӣ дар авҷи музокироти Вена интиқод кард.
Саиди Хатибзода дар Твиттер хотирнишон кард, ҳатто дар миёнаи гуфтугӯҳои Вена, Амрико аз эъмоли таҳрим алайҳи Эрон даст барнамедорад.
Хатибзода бо баёни ин ки Вашингтон қодир ба дарки ин масъала нест, ки корзори "шикасти ҳаддиаксарӣ" ва "кушоиши дипломатӣ" нақиз ҳам ҳастанд, афзуд: Ташдиди таҳримҳо на танҳо аҳром намесозад, балки дар тазод бо ҷиддияту ҳусни нияти иддаоӣ аст.
Вазорати хазонадории Амрико сешанбе дар идомаи иқдомоти хасмонаи Вашингтон алайҳи Ҷумҳурии исломии Эрон, 8 фард ва 4 ниҳоди эрониро таҳрим кард.
Амрико дар шароите таҳримҳои ҷадиде алайҳи Эрон эъмол кард, ки давлати Ҷо Байден, раиси ҷумҳурии ин кишвар муддаӣ аст, қасд дорад аз тариқи музокироти ҷорӣ дар шаҳри Вена, пойтахти Австрия, заминаҳои лозим барои бозгашти кишвараш ба тавофуқи ҳастаии БарҶомро фароҳам кунад.