Террори сардор Сулаймонӣ; намунаи боризи терроризми давлатӣ
Сафорати Эрон дар Сербия, террори сардор Сулаймониро дар тазоди айнӣ бо Маншури Милали муттаҳид ва асли ҳокимияти давлатҳо ва намунаи боризи терроризми давлатӣ унвон кард.
Ба гузориши ИРНА, сафорати Эрон дар Белгрод шомгоҳи ҷумъа бо судӯри баёнияе ба муносибати дуюмин солгарди шаҳодати сардор Қосими Сулаймонӣ эълом кард: Сардор Сулаймонӣ парчамдори мубориза бо терроризм дар минтақа ва ҷаҳон буд ва хадамоту ифтихороти бешуморе дар мубориза бо гурӯҳи террористии ДИИШ дар Ироқу Сурия анҷом дод.
Ин баёния меафзояд, натиҷаи ҷонфишониҳои сардор Сулаймонӣ ва ёрону ҳамфикронаш ин буд, ки минтақаи ғарби Осиё ва дар марҳалаи баъди Аврупо ва тамомии дунё аз хатар ва кобӯси густариши ДИИШ раҳоӣ ёбанд.
Дар баёнияи сафорати Эрон дар Белгрод тасреҳ шудааст, иқдоми амрикоиҳо дар террори фармондеҳи низомии Эрону муовини басиҷи мардумии ва ҳамроҳонашон дар тазоди айнӣ бо Маншури Милали муттаҳид, ноқизи бадеҳитарин усӯлу қавоиди ҳуқуқи байналмилал, аз ҷумла усӯли адами мудохила, асли ҳокимияти давлатҳо, асли манъи тавассул ба зӯр, асли адами таҷовуз ва асли масӯнияти намояндагони давлатҳо ва дар ниҳоят ба унвони ҷилвае аз терроризми давлатӣ ва ҷанги таҷовузкорона алайҳи ду кишвари Эрону Ироқ қаламдод ва як ҷиноят маҳсӯб мешавад.
Ин баёния идома дод, ки ниҳодҳои ҳуқуқи башарӣ, Созмони милал, андешкадаҳои байналмилалӣ ва муътабари ҷаҳонӣ низ ин иқдоми давлати Амрикоро таҷовузкорона, ҷинояти ошкору нақзи ҷиддии ҳуқуқи байналмилал донистаанд.
Сардори сипаҳбуд Қосими Сулаймонӣ, фармондеҳи нерӯи Қудси сипоҳи посдорони Инқилоби Исломӣ, сеюм январи 2020 дар ҳоле, ки ба даъвати расмии мақомоти Ироқ ба ин кишвар сафар карда буд, дар ҳамлаи ҳавоии нерӯҳои мутаҷовизу террористи амрикоӣ наздики фурудгоҳи Бағдод ба ҳамроҳи Абу Маҳдӣ Ал Муҳандис, ноиби раиси басиҷи мардумии Ироқ ва 8 нафар аз ҳамразмонаш ба шаҳодат расид.
Бештар бихонед:
