Нақши муҳими Эрону Русия дар тавсеаи пойдори энержии ҷаҳон
Муовини умӯри байналмилал ва бозаргонии вазири нафти Ҷумҳурии исломии Эрон бар нақши муҳими Эрону Русия дар тавсеаи пойдори энержии ҷаҳон таъкид кард.
Ҳафтаи энержии Русия бо шиори меҳварии « Тавсеаи пойдори энержӣ » дар Маскав бо ҳузури ҳайатҳои мухталифи хориҷӣ аз рӯзи чаҳоршанбеи гузаштаи баргузор шудааст .
Ҳайати Ҷумҳурии исломии Эрон ба сарпарастии Аҳмади Асадзода-муовини вазири нафт ва Козими Ҷалолӣ-сафири Эрон дар Русия ва гуруҳе аз коршиносони ҳавзаи нафту энержӣ дар ҳафтаи энержии Русия ҳузур доранд .
Аҳмади Асадзода-муовини умӯри байналмилал ва бозаргонии вазири нафти Ҷумҳурии исломии Эрон дар Маскав гуфт : Тавсеаи пойдори энержии ҷаҳон дар гарави ин аст, ки бархе кишварҳо ба сиёсати зӯргӯйӣ поён диҳанд .
Аасадзода дар бораи аҳамияти суботи амнияти энержӣ дар ҷаҳон афзуд : Ҷаҳон агар ба амнияти арза ва тақозои энержӣ аҳамият медиҳад бояд зерсохтҳову лавозими ин корро ҳам бипазирад.
Муовини умӯри байналмилал ва бозаргонии вазири нафти Эрон ҳамчунин гуфт : Намешавад ду кишвари муҳими тавлидкунандаи нафту газ дар ҷаҳон яъне Эрону Русияро таҳрим карду ҳамзамон аз амнияти арзаву тақозои энержӣ сухан гуфт . Асадзода таъкид кард : Рафторҳои дугонаи Ғарб ба вижа Амрико дар баробари дигар кишварҳо амнияти арзаву тақозои энержӣ дар ҷаҳонро дучори ихтилол мекунад.
Муовини умӯри байналмилалу бозаргонии вазири нафти Эрон гуфт : Тазмини тавсеаи пойдори энержӣ дар гарави ҳамкории созандаи кишварҳои тавлидкунандаи энержӣ ва дигар кишварҳост то муҳити пойдор ва ба нафъи ҳамаи мардуми ҷаҳон шакл гирад.
Бештар бихонед :