Шавкат Мирзиёев: Додситонҳои феълӣ дузд ҳастанд

Раиси ҷумҳурии Узбакистон аз фаъолияти созмонҳои қазоӣ ва додситонҳои ин кишвар интиқод кард ва гуфт, онон бузургтарин дуздҳои боқимонда аз низоми пешин ҳастанд.

Ба гузориши хабаргузории “Форс”, Шавкат Мирзиёев афзуд, дар сурате, ки ин амалҳои ноодилона идома ёбад, низоми қазоиро аз бақияи онҳо низ поксозӣ ва ононро ихроҷ хоҳад кард.  

Мирзиёев аз кормандони Додситонии даврони Ислом Каримов ба унвони “зубола” (партов) ном бурд ва гуфт, ба таври қатъӣ кормандони ин созмон иваз хоҳанд шуд.

 Вай гуфт, додситони кулли ҷадиде таъйин шудааст ва 80 дарсади кормандон низ тағйир кардаанд.

 Мирзиёев бо ишора ба ин ки бархе додситонҳо ҳатто исми хонаводагии худро наметавонанд дуруст бинависанд, гуфт, бештари ин афрод аз тариқи равобити хешутаборӣ вориди низоми қазоӣ шудаанд ва саводу шароити лозимро надоранд.