Фароҳам шудани имкони сафар бо афтобус аз Узбакистон ба Русия
Феврал 10, 2020 15:19 Asia/Dushanbe
Мақомоти Вазорати ҳамлу нақли Узбакистон аз роҳандозии хатти афтобусронии байни ин кишвар бо Русия хабар доданд.
Ба нақл аз хабаргузории Форс, мақомоти Вазорати ҳамлу нақли Узбакистон эълом карданд, бо ҳадафи эҷоди шароити муносиб барои сафари мусофирон ба Русия аз 15 феврал хатти афтобусронии Тошканд-Омск роҳандозӣ мешавад.
Як ширкати вобаста ба Вазорати ҳамлу нақли Узбакистон барои ҷобаҷоии мусофирон дар ин масир афтобусҳои наверо ихтисос додааст.
Масофати байни Тошканд ва Омск 2 ҳазору 200 километр аст ва мусофирон дар муддати 32 соат ба мақсади худ хоҳанд расид.
Нахустин афтобус дар ин масир ҳаракати худро соати 18 рӯзи 15 феврал аз поёнаи шаҳри Тошканд оғоз мекунад.
Нархи чиптаи ин афтобус 450 ҳазор сум (47 доллар) аст.