Вашингтон бори дигар Ишқободро ба поймолсозии ҳуқуқи инсон муттаҳам кард

Вашингтон бори дигар Ишқободро ба поймолсозии фоҳиш ва густурдаи ҳуқуқи инсон муттаҳам ва эълом кард: Туркманистон ҳамчунон дар рӯйхатти кишварҳои поймолкунандаи ҳуқуқи инсон ва озодии динҳо қарор дорад.

Ҷемз Гилмар- намояндаи Амрико дар Созмони амният ва ҳамкории Аврупо, дар нишасти ошкори ин созмон гуфт: Зиндон як мушкили бузурги мавҷуд  дар  Туркманистон аст, ки дар бархе маворид, афроде, ки ҷинояте анҷом надоданд ба зиндонҳо меафтанд.

Бо таваҷҷуҳ ба интишори ахбори расонаҳои Ишқобод, минтақа ва ҷаҳон дар иртибот бо масоили дохилии Туркманистон, тардиде нест, ки ин кишвар низ монанди дигар ҷумҳуриҳои Осиёи Марказӣ мушкилоте дорад.

Бо вуҷуди ин, ҷудо аз дурустӣ ё нодурустии иттиҳоми поймолсозии ҳуқуқи инсон, озодии баён ва расонаҳо ва озодии динҳо дар Туркманистон, бояд гуфт, изҳороти ахири намояндаи Амрико дар Созмони амният ва ҳамкории Аврупо,  дахолат  дар  умури  дохилии Туркманистон аст.

Дар ҳоле, ки мақомҳои Амрико аз ҷумлаи муҳимтарин кишварҳои поймолкунандаи ҳуқуқи инсон  дар ҷаҳон ҳастанд, сиёсатмадорони ин кишвар бо муттаҳам кардани дигар кишварҳо аз ҷумла Туркманистон ба поймолсозии ҳуқуқи инсон, фишорҳои сиёсӣ ва байналмиллалӣ бар ин кишвари Осиёи Марказиро ташдид мекунанд.

Дар ин замина, Адам  Ҳог- мудири андешкдаи Маркази сиёсати хориҷӣ ва нависандаи мунтақиди давлати Ишқобод, тобистони гузашта, дар гузорише дар рӯзномаи Гардиян навиштааст: Туркманистон дар минтақа ба лиҳози умқ ва густурдагии саркуб бадтарин кишвар дар минтақааш ба ҳисоб меояд ва сармоягузорони хориҷӣ бояд пеш аз ҳаргуна широкат бо ин кишвар хуб бияндешанд.

Илова бар ин, давлатмардони ғарбӣ ва сиёсатмадорони амрикоӣ бо тарҳи интиқод аз мақомҳои давлати Ишқобод дар заминаи поймолсозии ҳуқуқи инсон, талош мекунанд бархе аҳдофи кучак монанди озодсозии зиндониёни Ғарбгаро ва тарғиби Туркманистон ба улгӯбардорӣ аз Ғарбро амалисозӣ кунанд.

Ба унвони мисол, намояндаи Амрико дар Созмони амният ва ҳамкории Аврупо дар нишасти ахири ин созмон, дар паи интиқод аз давлати Ишқобод ва тарҳи мавзӯи нигаронӣ аз афзоиши шумори зиндониёни сиёсӣ дар Туркманистон ва набуди иртиботи онон бо иҷтимоъ ва расонаҳо аз Ботар Бердиев- собиқвазири умури хориҷаи Туркманистон ва намояндаи собиқи ин кишвар дар Созмони амният ва ҳамкории Аврупо дар соли 2002, ҳимоят кардааст.

Ботар Бердиев, ки сиёсатмадоре Ғарбгаро ба ҳисоб меомад, ба иттиҳоми талош барои иқдом ба қатли Сафармурод Ниёзов- нахустин раиси ҷумҳури Туркманистон пас аз истиқлоли ин кишвар дар соли 1991 ва мулаққаб ба "Туркманбошии кабир" ба маънои раиси доимии туркаманҳо, ба 25 сол зиндон маҳкум шудааст.

Асосан мудохила дар умури дигар кишварҳо, аз ҷумла роҳҳои амалисозии хостаҳои Амрико алайҳи дигар кишварҳои ҷаҳон аст. Ба иборати дигар, Амрико бо интиқод аз раҳбарони кишварҳое монанди Туркманистон, ки дар заминаи одоби кишвардорӣ нуқсонҳое доранд, аҳдоф ва хостаҳои номшруи худро пеш мебурд.

Тардиде нест, ки Туркманистон низ монанди дигар ҷумҳуриҳои вобаста ба ҷараёни блоки шарқ, ба хусус ҷумҳуриҳои Осиёи Марказӣ ва Қафқози ҷанубӣ, шеваи ҳукуматии хоссе дорад.

Бадеҳӣ аст, ки ин шеваи ҳукуматӣ, аз нигоҳи сиёсатмадорон, давлатмардон ва расонаҳои ғарбӣ поймолсозии ошкори ҳуқуқи башар ва озодии баён, расонаҳо ва динҳо аст. Дар ҳоле, ки ин нигоҳи мутафовит ба маънои ихтилофи фарҳангии давлатҳои ғарбӣ бо давлатҳои Осиёи Марказӣ аст.

Дар маҷмӯъ, бояд гуфт, тарҳи интиқодҳои Амрико аз Туркманистон агар чи мумкин аст бо воқеиятҳои ҷомеаи ин кишвар мутобиқат дошта бошад, аммо баид аст, ки Амрико ҳадафҳои инсондӯстона дар ин иртибот дошта бошад.