Вокуниши Тоҷикистон ба ҳамлаи террористии Маскав: Ин ҷиноят тавҷеҳ надорад

Март 25, 2024 12:35 Asia/Dushanbe

Гуфтугӯи телефонии Эмомалӣ Раҳмон бо Владимир Путин

Раиси Ҷумҳурии Тоҷикистон дар гуфтугӯи телефонӣ бо ҳамтои руси худ, ҳамлаи террористӣ дар толори шаҳри Крокус дар минтақаи Маскавро таслият гуфт ва таъкид кард: Террористҳо на миллат доранд, на ватан ва на дин.

Ба гузориши ИРНА, хабаргузории ТАСС рӯзи якшанбе ду гузориш аз мабдаи Душанбе ва Маскав аз ин гуфтугӯи телефонӣ мунташир кардааст. Дар гузориши ин хабаргузории русӣ аз дафтари раёсати Ҷумҳурии Тоҷикистон омадааст: Эмомалӣ Раҳмон дар тамоси телефонӣ бо Владимир Путин, раиси Ҷумҳурии Русия, ҳамлаи террористии ваҳшиёнаву хунин дар толори шаҳри Крокусро маҳкум кард ва зимни таслият ба хонаводаи ҷонбохтагон, барои маҷрӯҳон низ беҳбудии оҷил орзӯ кард.

Дар ин тамоси телефонӣ, ки рӯзи якшанбеи панҷуми фарвардинмоҳи 1403 (24 марти 2024) Рӯзи Азои Миллӣ дар Русия анҷом шуд, раиси Ҷумҳурии Тоҷикистон гуфт, дар соъоти ғамангези азои миллӣ дар Федератсияи Русия, ҳамбастагии ҳамаи шаҳрвандони Тоҷикистон бо бародарони худ дар Русияро эълом мекунем.

Бино бар ин гузориш, руасои ҷумҳури Русия ва Тоҷикистон дар ин гуфтугӯи телефонӣ мувофиқат карданд, ки ба кор барои мубориза бо мазоҳири ифротигарии динӣ, ки таҳдиде ҷиддӣ барои амният аст, идома диҳанд.

Руасои ҷумҳурии Русия ва Тоҷикистон бар аҳамияти тақвияти бештари талошҳои муштарак ва ҳамоҳангӣ байни идорот ба манзури посухгуии муассиру муборизаи муштарак бо ин таҳдидҳо таъкид карданд.

Дар гузориши бахши матбуотии Кремл низ омадааст: Эмомалӣ Раҳмон, раиси Ҷумҳурии Тоҷикистон дар иртибот бо ҳамлаи террористӣ дар толори шаҳри Крокус ба Владимир Путин, президенти Русия таслият гуфт ва таъкид кард: Ин ҷиноят ҳеҷ тавҷеҳе надорад.

Бино бар ин гузориш, дар ин гуфтугӯи телефонӣ муқарар шуд, ки хадамотҳои иттилоотии Русия ва Тоҷикистон ба таври муштарак бо терроризм мубориза ва талошҳо дар ин самтро тақвият кунанд.

Бештар бихонед: