Ирсоли китоб, дархости муаллимон забони русии Тоҷикистон аз Русия
Вазорати маорифи Русия дархости Тоҷикистонро дар мавриди равон кардани китобҳои забони русӣ баррасӣ дорад.
Ба гузориши сомонаи Спутник, бино ба иттилои Вазорати маорифи Русия омӯзгорони забони русӣ дар Тоҷикистон ба ин вазорат муроҷиат намуданд, ки ба онҳо китобҳои иловагии дарсӣ равон намоянд.
Қаблан вазорати маорифи Русия аз фанҳои гуногун барои мактаббачаҳои Тоҷикистон китоб равон карда буд. Авохири моҳи май зимни сафари Дмитрий Медведев нахуствазири Русия ба Тоҷикистон наздик ба 2 ҳазор китоб ба Душанбе дастрас гардид.
Ҳоло Вазорати маорифи Русия дархости омӯзгорони забонии русии Тоҷикистонро дар бораи ирсол кардани китобҳи дарсии иловагӣ ва таҷҳизот баррасӣ дорад.
Интизор меравад, ки дар ояндаи наздик маҷмӯаи харитаҳои ҷуғрофӣ, дафтарҳои корӣ ва таҷҳизоти махсус барои синфхонаҳои Тоҷикистон равон карда шавад.
Ин дар ҳолест, ки ахиран Эмомалӣ Раҳмон раиси Ҷумҳурии Тоҷикистон аз Дмитрий Медведев нахуствазири Русия тақозо карда буд ки шумораи муаллимони забони русие, ки ба Тоҷикистон фиристода мешаванд o#kзиёд карда шавад.
Лозим ба ёдоварист, ки қаблан роҳбари ожонси "Россотрудничества" Элеонора Митрофанова хабар дод, ки имсол Русия ба Тоҷикистон чанд омӯзгори дигар равон хоҳад кард.
Ба гуфтаи вай, дар кишварҳои ҳамсуд ба хусус Тоҷикистон, талабот ба омӯзгори забони русӣ зиёд аст. Русия барои соли хониши 2018-2019 ба Тоҷикистон 30 омӯзгори дигар равон мекунад.