Бозии дӯстонаи футзолистҳои Тоҷикистон дар Машҳад + АКС
Тими футзоли ҷавонони Тоҷикистон, ки барои ширкат дар мусобиқоти қаҳрамонии футзоли зери 20 соли Ҷоми Осиё омада ва феълан дар Машҳад қарор доранд, акнун дар урдуи омодагӣ ҳастанд.
Тими миллии футзоли ҷавонони зери 20 соли Тоҷикистон, ки аз панҷшанбеи гузашта, 6 -уми июн ба муддати 5 рӯз дар Машҳад, дар урдуи омодагӣ ба сар мебаранд, рӯзи якшанбеи 9 -уми июн бо тими футзоли шаҳристони Турбати Ҳайдарияи устони Хуросони Разавӣ дидори дӯстонае анҷом доданд ва бо муҳити бозӣ ошно гашта, бо бозикунони эронӣ табодули таҷриба карданд.
Ба гуфтаи Комрон Шодиев, сарпарасти футзоли Ҷумҳурии Тоҷикистон дар Федератсияи футбол ва раҳбари гурӯҳ, бозии тадорукотии хубе миёни тими Тоҷикистон ва тими Турбати Ҳайдария баргузор шуд ва ду тим таҷоруби фаровоне касб карданд.
Эраҷ Носиров, сармурабии тими футзоли Тоҷикистон низ гуфт, бозикунон дар вазъияти хубе ба сар мебаранд ва ба бозиҳои Ҷоми Осиё, ки қарор аст рӯзҳои 14 ва 15 -уми июн дар Табрез баргузор шавад, омодагӣ мебинанд.
Мусобиқаҳои қаҳрамонии фузсоли зери 20 соли Ҷоми Осиё аз 14 то 22 - юми июн бо ҳузури 12 даста дар 4 гурӯҳи сетимӣ дар Табрез ( Шимоли ғарби Эрон ) баргузор мешавад.
