Баҳрабардорӣ аз турбинаҳои бозсозишудаи нерӯгоҳи Сарбанд бо ҳузури Эмомалӣ Раҳмон
Раиси ҷумҳӯрии Тоҷикистон, ки барои ифтитоҳи чанд тарҳи иқтисодӣ , иҷтимоӣ ва хадамотӣ дар вилояти Хатлон ба сар мебарад, аз ду турбинаи бозсозишудаи нерӯгоҳи обӣ-барқии Сарбанд баҳрабардорӣ кард .
Ба гузориши радиои тоҷикии Садои Хуросон ба нақл аз сомонаи Азия Плюс , Эмомалӣ Раҳмон дар ин маросим таъкид карда аст, ки пас аз бозсозии куллии шаш турбинаи ин нерӯгоҳ , тавони тавлиди барқи он ба 270 мегаватт хоҳад расид; дар ҳоле ки зарфияти қаблии ин нерӯгоҳ 236 мегаватт аст .
Нерӯгоҳи обӣ-барқии Сарбанд, ки 54 сол қабл рӯйи рӯдхонаи Вахш сохта шуда аст, акнун ниёз ба бозсозии таҷҳизотӣ дорад .
Эмомалӣ Раҳмон дар идомаи сафар ба вилояти Хатлон бинои омӯзишгоҳи нави пизишкиро дар шаҳри Бохтар-маркази ин минтақа ифтитоҳ кард ва дар ноҳияҳои Шаҳритус, Вахш ва Леваканд низ аз чанд тарҳи иҷтимоӣ бо ҳузури ӯ баҳрабардорӣ шуд, ки шомили боғҳои нав, варзишгоҳҳо, рамзи давлатӣ , парчами миллӣ ва биноҳои идории Ҳизби халқӣ-демократӣ мешавад .
