Тасвиби қатъномаи пешниҳодии Тоҷикистон дар бораи об дар Созмони Милал

Маҷмаи умумии СММ рӯзи 21 декабр қатъномаи ҷаҳонии об барои тавсеаи пойдори соли 2018-2028-ро, ки аз сӯи Ҷумҳурии Тоҷикистон ва Голландия ироа шуда буд тасвиб кард.

Ба гузориши радиои тоҷикӣ ба нақл аз хабаргузории Ховар, ин қатънома бо раъйи мувофиқ 190 кишвари узви Созмони Милали Муттаҳид ба тасвиб расид.

Дар чорчӯби қатъномаи об барои тавсеъаи пойдори 2018 -2028 қарор аст ҳамоиши байналмилалӣ дар соли 2023 дар қароргоҳи Созмони Милал баргузор шуд.

Ҳамчунин дар соли 2022 дар шаҳри Душанбе ҳамоиши байналмилалӣ нақши об дар коҳиши фақру бекорӣ, беҳбуди хадамоти беҳдоштӣ, дармонӣ ва тадвини барномаи таъмини оби мавриди ниёзи кишварҳо баргузор хоҳад шуд.

Раиси Ҷумҳурии Тоҷикистон Эмомалӣ Раҳмон дар иҷлоси ҷаҳонии об, ки ноябри соли 2015 дар Будапешт, пойтахти ҷумҳурии Маҷористон баргузор шуд тарҳи ҷаҳонии об барои тавсеъаи пойдор дар даҳаи 2018 -2028-ро пешниҳод кард.

Бештар бихонед:

• Омодагии Тоҷикистон барои нишасти сарони СҲШ ва конфронси «Об барои рушди пойдор»
• Нигоҳе ба Конфронси байналмилалии “Об барои рушди пойдор 2018-2028” дар Душанбе