12 халабони артиши Афғонистон аз Канада дархости паноҳандагӣ карданд
12 халабони Нерӯҳои Ҳавоии Афғонистон, ки дар Тоҷикистон паноҳ бурдаанд, аз Канада дархости паноҳандагӣ кардаанд.
Ҳавопаймоҳо ва мутахассисони Нерӯҳои Ҳавоии Афғонистон ҳангоми наздик шудани Толибон ба Кобул бо ҳавопаймои Cessna 208 ба Тоҷикистон фирор карданд, хабар медиҳад оҷонсии "Садои Хуросон" бо истинод ба як манбаи хабарии Осиёи Марказӣ.
Сарбозони афғон бо сафорати Канада тамос гирифтанд ва аз ҳукумати Канада хостаанд, ки ба онҳо раводиди сафар ба Канада бо аҳли хонаводаашонро диҳад.
Халабонҳое, ки дар Тоҷикистон паноҳ бурдаанд, мегӯянд, ки нерӯҳои ҳавоии Афғонистон чанд ҳафта пеш аз он ки Толибон Кобулро ишғол кунанд, безарар гардонида шуданд ва ба онҳо танҳо иҷозат дода шуд, ки бо оилаашон ба Тоҷикистон фирор кунанд.
Тоҷикистон яке аз 13 кишварест, ки паноҳандагони афғон ба он ҷо кӯчонида шудаанд.Ҳоло шуморе аз муҳоҷирони афғон дар фурудгоҳи Кӯлоби Тоҷикистон, дар 200 -километрии ҷануби Душанбе, қарор доранд ва мунтазири раводиди сафар ба кишварҳои мухталиф ҳастанд.
