Мулоқоти сафири Эрон бо вазири кишоварзии Тоҷикистон
Дар дидори Муҳаммадтақии Собирӣ, сафири Ҷумҳурии исломии Эрон бо Қурбон Ҳакимзода, вазири кишоварзии Ҷумҳурии Тоҷикистон заминаҳои тавсеаи ҳамкории ду кишвар дар бахши кишоварзӣ, мавриди баррасӣ ва табодули назар қарор гирифт.
Ба гузориши пойгоҳи сафорати Ҷумҳурии исломии Эрон дар Тоҷикистон, тарафайн дар ин дидор зимни баррасии иқдомоти анҷом шуда дар хусӯси ёддошти тафоҳуми ҳамкориҳои кишоварзӣ байни ду кишвар, бар зарурати густариши беш аз пеши равобит дар бахши кишоварзӣ таъкид карданд.
Қурбон Ҳакимзода дар ин дидор иқдомот ва дастовардҳои кишвараш дар таъмини маводи ғизоӣ ва афзоиши маҳсӯлоти кишоварзиро ташреҳ ва бар тавсеаи ҳамкориҳо бо Ҷумҳурии исломии Эрон таъкид кард.
Собирӣ бо ташреҳи дастовардҳои Ҷумҳурии исломии Эрон дар бахши мухталифи ҳавзаи кишоварзӣ, омодагии Эронро барои тавсеаи ҳамкорӣ дар ин бахшҳо, аз ҷумла омӯзиши мутахассисон, содироти трактор ва адавоти кишоварзӣ, таъмини базрҳои гувоҳӣ шуда ва пурмаҳсӯл, мубориза бо офоту бемориҳои гиёҳӣ, густариши обхездорӣ ва ҳифозати хок, афзоиши зариби худиттикоии маҳсӯлоти роҳбурдии асосӣ, домпарварӣ, обзӣ парварӣ ва парвариши моҳӣ в парвариши паранда, тавсеаи боғот, тавсеа ва фароварии гиёҳони доруӣ, шабакаҳои обёрии сомонаҳои навини обёрӣ, густариши зерсохтҳои иттилоотӣ ва иртиботӣ ва афзоиши тавлидоти саноаии такмилӣ ва табдилӣ дар бахши кишоварзӣ эълом кард.
