Чаро эътирозот вазъияти буҳрониро дар сарзаминҳои ишғолӣ шиддат бахшидааст?

Порс Тудей – Буҳрони феълӣ дар сарзаминҳои ишғолӣ ва шиддат ёфтани эътирозот, нишондиҳандаи заъфи сохтори сиёсӣ ва амниятии режими саҳюнистист.

Расонаҳои саҳюнистӣ гузориш доданд, ки эътирозгарон роҳҳоро дар бисёре аз нуқтаҳои саросари сарзаминҳои ишғолӣ масдуд карданд. Муътаризони шаҳракнишини саҳюнист, дар эътироз ба қарорҳои ҳукумати Бинямин Натаняҳу, нахуствазири ин режим барои идомаи ҷанг, кӯчаҳоро дар Қудси ишғолӣ ва Тел-Авив масдуд карданд ва хостори тавофуқи мубодилаи асирон барои озодии асирони саҳюнист дар Ғазза шуданд.

Фарохони хонаводаҳои асирони саҳюнист, садҳо нафар аз сокинони сарзаминҳои ишғолиро дар Тел-Авив ва дигар шаҳрҳо ба кӯчаҳо кашонд ва эътирозгарон бо бастани роҳҳо ва баргузории ҷамъомадҳои густарда, хостори поёни ҷанги Ғазза, мубодилаи асирон ва сарнагун кардани кабинаи Натаняҳу шуданд.

Эътирозот ва эътироби сартосарӣ ба даъвати хонаводаҳои зиндониёни саҳюнист алайҳи ҷанги Ғазза, хашми чанд вазири тундрави кабинаи режими ишғолгарро барангехт. Итмар Бен-Гвир, вазири амнияти дохилии режими саҳюнистӣ, ин ҷамъомадҳоро маҳкум кард ва гуфт: Эътирози имрӯз Исроилро заиф ва Ҳамосро қавӣ мекунад ва бозгардони асиронро ба таъхир меандозад.

Яаир Голан, раҳбари Ҳизби демократҳои режими саҳюнистӣ низ дар ҷараёни баргузории эътироби умумӣ эълом кард, ки фурсатҳо ба поён расида ва ҳамаи талошҳо бояд барои «бозгардони фаврии зиндониён» ба кор гирифта шавад.

Гадӣ Айзенкот, раиси собиқи Ситоди артиши режими саҳюнистӣ ва аз раҳбарони оппозитсия, бо интиқоди шадид аз Бинямин Натаняҳу эълом кард, ки ӯ тавони раҳбарӣ ва масъулиятпазириро надорад ва қарорҳои душворро канор мегузорад, то манофеи шахсӣ ва сиёсиро бар манофеи режими Исроил тарҷеҳ диҳад; ва ин иқдомот, ин режимро ба вартаи нобудӣ мекашад.

Шиддат ёфтани эътирозот дар сарзаминҳои ишғолӣ, паёмадҳои сиёсӣ ва амниятии қобили таваҷҷуҳе ба дунбол доштааст. Бисёре аз эътирозгарон, кабинаи Натаняҳуро бе барнома ва нотавон барои идораи ҷанги Ғазза ва озодии асирон медонанд. Ихтилофоти шадид миёни сатҳҳои сиёсӣ, низомӣ ва амниятии режими саҳюнистӣ низ ба марҳилаи наве расидааст. Генералҳои бознишаста ва фармондеҳони собиқ аз сиёсатҳои ҷангии давлат интиқод кардаанд ва бархе хостори қатъи ҷанги Ғазза шудаанд. Идомаи эътирозот ва норозигии умумӣ низ эҳтимоли даргириҳои кӯчагӣ ва шӯришҳои густардаҳоро афзоиш додааст.

Амалиёти муқовимати фаластинӣ низ дар солҳои ахир, таъсири қобили таваҷҷуҳе бар шиддат ёфтани эътирозоти дохилӣ дар сарзаминҳои ишғолӣ доштааст. Эътирозгарон бо шиорҳое мисли «қатъи ҷанг» ва «озодии асирон» амалан эътироф кардаанд, ки режими саҳюнистӣ дар расидан ба аҳдофи худ дар ҷанги Ғазза шикаст хӯрдааст.

Муқовимати фаластинӣ бо қудрат ва ҳамбастагии бесобиқа, режими саҳюнистиро дар ду ҷабҳаи низомӣ ва сиёсӣ зери фишор қарор додааст. Ин фишорҳо боиси ихтилофоти шадид дар кабина ва миёни аҳзоби оппозитсионӣ шуда, эътирозот алайҳи сиёсатҳои Натаняҳуро шиддат бахшидаанд.

Эътирозоти густарда алайҳи кабинаи Натаняҳу нишон медиҳад, ки сокинони сарзаминҳои ишғолӣ дигар ба сиёсатҳои ҷангталабона ва амниятии Тел-Авив эътимод надоранд. Ихтилоф миёни аҳзоб, истеъфои мақомҳои амниятӣ ва ихтилофот дар кабина, ҳама нишонаҳои буҳрони машруиятанд. Буҳрони феълӣ дар сарзаминҳои ишғолӣ, нишондиҳандаи заъфи сохтори сиёсӣ ва амниятии режими саҳюнистист. Муқовимати фаластинӣ низ бо истифода аз қудрати низомӣ, расонаӣ ва мардумӣ тавонистааст муодилаи қудратро тағйир диҳад.

Бо таваҷҷуҳ ба шиддат ёфтани эътирозот ва нотавонии Натаняҳу дар иҷрои ваъдаҳояш дар бораи ҷанги Ғазза, раванди норозигиҳо шиддат хоҳад ёфт ва сарони режими саҳюнистӣ бо вазъияти буҳронӣ рӯбарӯ шудаанд, ки худ омилони аслии шаклгирии он будаанд.