Эътирофи вазири иморотӣ ба куштори кӯдакони яманӣ ба дасти эътилофи Саудӣ
Август 15, 2018 19:11 Asia/Dushanbe
Як ҳафта пас аз бомбборони автобуси ҳомили донишомӯзони яманӣ дар шимоли ин кишвар, вазири мушовир дар умури хориҷаи Иморот аз ин иқдоми эътилофи Саудӣ дифоъ кард.
Анвар Қарқош, вазири мушовир дар умури хориҷаи Иморот сешанбе дар як конфронси хабарӣ дар Дубай бо дифои зимнӣ аз Арабистони Саудӣ дар ҳамла ба кӯдакони яманӣ гуфт: “Мутаассифона ин бахше аз ҷанг аст ва имкони бурузи хато дар амалиётҳои низомӣ вуҷуд дорад”.
Вай афзуд: “Ҷанг ҳамин аст. Ҷанг ваҳшиёна буда ва хоҳад буд ва Иморот низ аз марти 2015 шарики аслии эътилофи низомӣ ба раҳбарии Арабистон аст”.