Коронавирус издивоҷ ва талоқро дар Дубай мамнӯъ кард
Апрел 08, 2020 08:51 Asia/Dushanbe
Додгоҳи хонавода дар Дубай, дар кишвари Амороти Муттаҳидаи Араб эълом кард, ки сабти асноди марбут ба талоқ ва издивоҷ дар ин аморат бо ҳадафи мубориза бо коронавирус ва ҳифзи саломати муроҷиакунандагон ва коркунон то иттилои баъдӣ мамнӯъ аст.
Холид Алҳавсанӣ, раиси додгоҳи хонавода дар Дубай гуфт: Мамнӯияти ин кор боиси таҷаммӯъ накардани афрод дар маросим ва ҷашнҳои марбут ба издивоҷ ва ё талоқ мешавад.
Тибқи эъломи расмии АМА, то кунун 2076 нафар дар ин кишвар ба коронавирус мубтало шудаанд, ки то кунун 11 нафар ҷони худро аз даст додаанд.