Pars Today

Раёсати минтақаи Қарабоғ эълом кард « Ҷумҳурии Қарабоғи кӯҳистонӣ » аз аввали январи 2024 пароканда мешавад.

Қарабоғ баъд аз суқӯти императории Русия дар соли 1917 мавриди иддаои Ереван ва ҳам Боку қарор гирифт ва дар авоили даҳаи 1990 дар як ҷанг аз Ҷумҳурии Озарбойҷон ҷудо афтод.
Ҷумҳурии Озарбойҷон дар соли 2020 ва дуюмин ҷанг бо Арманистон бахше аз қаламрави Қарабоғро бозпас гирифт ва ҳафтаи гузашта низ пас аз ҳамалоти Боку ба бахшҳои боқимонда аз Қарабоғ арманиҳои ҳозир дар ин минтақа ба шартҳои Ҷумҳурии Арманистон дар бораи бар халъи силоҳи ин минтақа тан доданд .
Ба гузориши хабаргузории русии Спутник , Самул Шаҳраманян,раёсати минтақаи Қарабоғ имрӯз ( панҷшанбе ) ҳукмеро барои поён додан ба ин Ҷумҳурӣ имзо кард .
Тибқи ин гузориш дар ҳукми барҳамдиҳии Ҷумҳурии Қарабоғи кӯҳистонӣ, ки нусхае аз он дар ин хабаргузорӣ мунташир шуда, омадааст : Ин тасмим бар асоси авлавияти таъмини амнияти физикӣ ва манофеи муҳиму ҳаётии мардуми Қарабоғ ва бо дар назар гирифтани тавофуқи ҳосилшуда бо намояндагони Ҷумҳурии Озарбойҷон бо миёнҷигарии неруҳои ҳофизи сулҳи Русия дар бораи убӯри озодона, довталабона ва бидуни монеъи сокинони Қарабоғ аз ҷумла неруҳои низомӣ, ки силоҳҳои худро канор гузоштаанд, гирифта шудааст .
Ҳамчунин тибқи ин тасмим тамоми ниҳодҳо ва созмонҳои давлатӣ аз аввали январи соли 2024 милодӣ барҳам дода мешаванд ва Ҷумҳурии Қарабоғ ( Артсах ) дигар вуҷуд надорад .
Тибқи эъломи Самул Шаҳраманян ин ҳукм пас аз интишор фавран иҷро мешавад.