Мероси давлати Трамп; бозгашти рақобати қудратҳо ва фарсоиши назми Амрикомеҳвар

Порс Тудей - Сиёсатҳои якҷонибагароёна ва муомиламеҳвари Доналд Трамп, на танҳо ниҳодҳои байналмилалиро тазъиф карда, балки заминасози даврони тозае аз чандқутбигароӣ ва ҷо ба ҷоии қудрат дар низоми ҷаҳонӣ шудааст; назме, ки дар он, нуфузи Амрико беш аз ҳар замони дигаре бо чолиш рӯбарӯ аст.

Даврони раёсатҷумҳурии Доналд Трамп нуқтаи атфе дар фурӯпошии тадриҷии назми байналмилалии пасоҷанги Сард маҳсӯб мешавад. Ба бовари таҳлилгарон, хурӯҷи Амрико аз тавофуқҳои чандҷониба, эъмоли тарофаҳои сангин бар муттаҳидон ва беэътиноӣ ба ниҳодҳое чун Созмони милал ва НАТО, эътибори назми либерали Амрикомеҳварро ба шиддат тазъиф кардааст.

Ба гузориши Порс Тудей ба нақл ИСНА, рӯйкарди “аввали Амрико” Трамп, бозтобе аз зеҳнияти тиҷорӣ ва миллигароии ӯ буд, ки манофеи кӯтоҳмуддатро бар таъаҳҳудоти байналмилалӣ тарҷеҳ дод ва ихтилоф миёни Вашингтону муттаҳидони Ғарбиро амиқтар сохт.

Дар ин шароит, қудратҳои навзуҳӯр чун Чину Ҳинд нақши пуррангтаре дар муъодилоти иқтисодӣ ва амниятӣ ифо мекунанду ҷаҳон ба сӯи сохторе чандқутбӣ дар ҳаракат аст. Вобастагии Амрико ба эътилофҳои суннатӣ коҳиш ёфта ва кишварҳое монанди Олмону Ҷопон ба дунболи сиёсатҳои мустақилтар аз Вашингтон ҳастанд. Дар ин ҳол, ҷангҳои режими саҳюнистӣ дар Ғазза ва минтақа, нишон дода, ки ин режим ба ҷои як дороии роҳбурдӣ, ба боре бар дӯши Амрико табдил шудааст.

Таҳаввулоти ахири Ғарби Осиё ва тағйири рӯйкарди бархе давлатҳои арабӣ ба ҳамкории иқтисодӣ ва тавсеамеҳвар, аз уфӯли ҳижмунии Вашингтону бозтаърифи равобити қудрат дар ҷаҳон ҳикоят дорад. Ба назар мерасад, мероси воқеии Трамп, на эҳёи “азамати Амрико”, балки тасреъи раванди гузор ба назме аст, ки дар он Амрико фақат яке аз чанд қудрати бузурги ҷаҳонӣ аст, на фармонравоии биломунозеъи он.