Корбарони X: Трамп Арабистонро фақат як гови ширдеҳ медонанд ҳамину бас

Порс тудей- Корбарони шабакаи иҷтимоъи "X" иқдоми ахири Амрикоро барои ба расмиятшинохтани Арабистон ба унвони муттаҳиди аслии ғайри НАТО фиреби дигареро аз суи Вашенгтон донистанд.

Доналд Трамп, раиси ҷумҳури Амрико, рӯзи чоршанбе дар маҷмаъи сармоягузории Амрико ва Арабистони Саудӣ дар Вашингтон гуфт: Арабистони Саудӣ муттаҳиди асосии мост, ки аз НАТО берун аст. Мо нақша дорем, ки баъзе аз бузургтарин силоҳҳои низомиро ба Арабистони Саудӣ бифурӯшем. Ин дар ҳолест, ки Трамп қаблан дар давраи аввали раёсати худ гуфта буд, ки саудиҳо говҳои ширдеҳ ҳастанд ва ӯ қасд дорад, ки онҳоро то ҳадди имкон шир диҳад. Ба гузориши Порс тудей, корбарони шабакаи иҷтимоии "X" иқдоми Амрико барои эътироф кардани Риёз ҳамчун муттаҳиди бузурги ғайри НАТО-ро фиреби дигари Амрико медонистанд.

Дар ин робита, корбаре бо номи "Тара" дар "X" навишт: Амрико расман Арабистони Саудиро ҳамчун муттаҳиди бузурги ғайри НАТО эълон кард. Оё ин ҳамон Арабистони Саудӣ нест, ки гови ширдеҳ номида мешуд! Аммо акнун, вақте ки сухан дар бораи нафт ва манфиатҳои Амрико меравад, ҳамон гови ширдеҳ муттаҳид шуд?

Корбари дигари X "Моҳ Паймон", низ бовар дорад: Истиқболи ахири бин Салмон ва ваъдаи фурӯши F-35 барои фиреб додани Арабистони Саудӣ ба Паймони Иброҳим равона шудааст.

Амир инчунин гуфт: Арабистони Саудӣ бояд бидонад, ки силоҳҳои амрикоӣ танҳо барои манфиатҳои Амрико истифода мешаванд ва тамом.

Яҳё Маҳдавӣ инчунин Риёзро вассали Вашингтон номид ва навишт: Оё баъзе ҳокимони араб ҷуръат мекунанд, ки бар зидди манфиатҳои Амрико ва Исроил чизе бигӯянд? Амрико барои манфиатҳои худ ҳамаро мекушад."

Ҳусна Шарифӣ, як корбари дигари "X", таъкид кард: Ҳамаи ин истиқболи махсус барои Трамп бо посбонони махсус, саворагон ва ҷанговарон барои чӣ маълум шуд!! Барои пур кардани хазинаи холии Трамп ва сарватманд кардани ин гови ширдеҳ.

Ҳотам номи дигари фаъол дар "X" аст ва навишт: Бин Салмон пули хазинаро барои Трамп сарф мекунад ва ҳазорҳо фаластиниҳоро ба қатлкунандагони саҳюнистӣ месупорад, зеро Трамп низ шарики ҷиноятҳои Исроил дар Ғазза аст.

Ҳуман инчунин бовар дорад, ки Риёз ба Вашингтон таслим шудааст ва арзиши таслимшавӣ аз арзиши муқовимат бештар аст.

Манъам Ҳомид инчунин навишт: Трамп аз Арабистони Саудӣ барои ворид кардани як триллион доллар ба хазинаи Амрико ва эҳёи саноати низомии кӯҳнашудаи Амрико истифода мебарад.

Ва дар ниҳоят, як фаъоли дигари "X", Ҳусейн Фасиҳӣ, гуфт: Арабистони Саудӣ ба ҷинояткори аср вобаста аст Трамп Риёзро танҳо як гови ширдеҳ мешуморад ҳамин бас.