Оташсӯзӣ дар як маъдан дар Русия
Декабр 23, 2018 11:50 Asia/Dushanbe
Оташсӯзӣ дар як маъдани калий дар минтақаи Перм дар ноҳияи Урали Русия 9 кушта барҷо гузошт.
Ба гузориши ИРНА, ин оташсӯзӣ субҳи рӯзи шанбе (ба вақти маҳаллӣ) бар асари инфиҷори гази метан дар дохили маъдан оғоз шуд.
Ҳангоми вуқӯи оташсӯзӣ 17 коргар дар маъдан ҳузур доштанд, ки ҳашт нафари онҳо тавонистанд хориҷ шаванд ва 9 нафари дигар дар ин маъдан гирифтор шуданд.
Афроди гирифторшуда танҳо тавонистанд бо мухобира вуқӯи оташсӯзиро гузориш диҳанд ва пас аз он иртиботи мухобиротӣ бо онҳо қатъ шуд.
Чандин воҳиди оташнишонӣ ҳамакнун машғули хомӯш кардани оташ ҳастанд.
Дар маҳали наздик ба оташсӯзӣ дар маъдан, дараҷаи ҳарорат ба беш аз 200 дараҷа мерасад.
Ин маъдан ба ширкати «Уралкалий»-и Русия тааллуқ дорад.