Маскав: Таҳдидоти таҳримии Амрико ғайриқонунӣ аст
Вазорати хориҷаи Русия таҳдидоти ахири Вашингтон алайҳи ширкати “Роснефт” –и Русияро ба далели фаъолият дар Венесуэла бемаъно ва таҳримҳои ҷадид алайҳи бонки русиро, ки дар Венесуэла фаъол аст, ғайриқонунӣ хонд.
Вазорати умури хориҷаи Русия имрӯз (чаҳоршанбе) дар вокуниш ба изҳороти ахири Майк Пампео, вазири умури хориҷаи Амрико таъкид кард, таҳдидоти Амрико ғайриқонунӣ аст.
Русия эълом кард, ки таҳдидҳои Пампео дар хусуси ҳамкории ширкати бузурги нафтии Русия - “Роснефт” бо Венесуэла бемаъност, зеро ин ширкат бо вуҷуди таҳримҳо тавонистааст ҳамкории муваффақе бо ин кишвар дошта бошад.
Бинобар гузориши хабаргузории ТАСС, дар баёнияи Вазорати хориҷаи Русия омадааст: “Ин ширкат аз соли 2014 мелодӣ таҳти таҳрим қарор гирифтааст, аммо бо муваффақият ба ҳамкории худ идома додааст. Дар иваз, шарикони амрикоии собиқи ин ширкат буданд, ки ба иҷбори Вашингтон маҷбур ба қатъи ҳамкорӣ шуданд ва осебҳои ҷиддиро ба ҳамин далел мутаҳаммил шуданд”.
Вазири хориҷаи Амрико пештар гуфта буд, ки ширкати “Роснефт” бо идомаи хариди нафт аз ширкати нафти давлати Венесуэла, таҳримҳои Амрикоро ба чолиш талабидааст. Дар муқобил, мақомоти ин ширкати нафтии Русия низ посух додаанд, ки дар сиёсат ворид намешаванд ва фаъолиятҳои ин ширкат комилан иқтисодӣ аст ва сирфан манофеи саҳмдорони худро мадди назар қарор медиҳад.
Аз сӯйи дигар, Вазорати умури хориҷаи Русия дар ин баёния таҳримҳои Амрико алайҳи бонки “Еврофинанс Моснарбонк” -и Русия ба сабаби ҳамкорӣ бо Венесуэларо ғайриқонунӣ донист.
Вазорати хориҷаи Русия таъкид кард, як бори дигар Вашингтон тасмим гирифта то аз таҳримҳо истифода кунад ва ин бор бо қарор додани як бонки рус дар феҳристи сиёҳи таҳримҳо, бонке ки ба давлати Венесуэла ин фурсатро дода то бо шарикони хориҷии худ ба сурати оддӣ ҳамкорӣ кунад.
Ин баёния меафзояд, илова бар ин Амрико бо хитоб кардани Николас Мадуро, раисҷумҳури Венесуэла бо унвони “раҳбари ғайриқонунӣ” на танҳо ин ҳақиқатро аз ёд бурда, ки вай раисҷумҳури мунтахаби як миллат аст, балки ҳатто ғайриқонунӣ будани тасмимот дар хусуси таҳримҳо дар хориҷ аз чорчӯби Шӯрои амнияти Созмони Милалро низ фаромӯш кардааст.
